القليل من الفضفضه يضر

بكم من الجرأه بكتب الموضوع دا , انا فى حياتى مغامرات قليله نظراً لكونى كنت بقطر , وإنى كنت مصرى وسط جنسيات كتيره فكنت بتعرف عليهم وبعرف عنهم حاجات غريبه جداً , يعنى نتفق على إن الخلايجه كبير أو صغير بيكرهوك لكونك مصر , مش عارف ليه الموضوع دا منتشر جداً فى العروق ودمهم , ما علينا . أنا حالياً فيه كم من الجرأه حابب أستغله وأقول كام حاجه كدا.

أنا بكره جداً الناس اللى معجبين ببعض ومش بيقولوا أو بيحاولوا يخبوا دا عن الناس , والموضوع دا كتير جداً حوليا , كتير بغباء أوى. عادى يا جماعة لما تحبوا بعض ولما تقولوا كدا لبعض بشكل لطيف , لكن بلاش تخبوا بالكلام وتصرفاتكم ونظراتكم لبعض عكس كدا تماماً , بلاش تبقوا بائسين بالشكل الرهيب دا. أى نعم فيه كتير من الحالات الموقف بيكون من طرف واحد بس لكن الموضوع بيكون واضح ليا بشكل بشع.

فى كثير من الأحيان بكون شخص بصد عن معرفة ناس كتيرة ، ولهذا السبب أنا غير محبوب بشكل عام وسط الخلق ، إنت بتتكلم فى أزمات زى ردود فعلك وتصرفات وكلام كتير سخيف ، تسألنى أقولك أنا مبسوط جدا كونى كدا. مبسوط بكونى بيفرقليش حد ولا باخد ردود فعلكم كشئ بيأثر فيا. مقتنع تماما إن البنات كمعرفه وسند أقل من سند الراجل بس للأسف الفتره الحاليه بميل لكون القريبين منىأغلب من فيهم بنات الموضوع ممكن يكون مستفز وغير مرحب بيه ، لكن يبقى الرد I don't give a shit . 


الإعجاب بأشياء محيطة بيك صحى ، شعر بحة صوت طريقة تعامل رسمة فى الشارع كلب أو قطة عربية ، الإعجاب شئ بيفرز حاجات كتيرة ف جسمك تبسطك.

التدوينة دى كانت فى الدرافتس وأنا كملت عليها ، وكان عندى شك وأصبح يقين بحاول استغل قدراتى الإستنتاجيه فى أشكال أخرى وأوسع المدارك بشكل أكبر ، بحاول أتقبل فكرة إنى لست بهذا البؤس ، أكيد الفقر والبؤس أحد أهم مكونات طينتى لكن ليسوا أحد أهم المكونات.

الدفعه دى فيها شئ ماحصلش فى هندسة ، شلة بنشجع بعض نعمل حاجات كتيرة غير الهلس ، فينا أغلب المتغيرات غالبا.

النهاردة واحد من اللى بقالى فترة ما لقيتنيش فيها ، الشكر للفتاة الجميلة دى على اليوم دا. و ربنا يديمها 



تعليقات

المشاركات الشائعة من هذه المدونة

في رثاء عزيزةٍ

كحبات الندى

Mania -1