تناقضات متناثرة

لحظه وانا فى الميكروباص راجع من يوم متعب فكرت كتير بس كل اللى طلعت منه " لو "  لو ما كنتش نزلت مصر ! يعنى لو ماكنتش نزلت السنه وسقطت فى اول سنه ليا فى الكليه لو انا شخص متفائل قوى العزيمه كان ايه اتغير!! لو مصر كانت احسن من كدا .. هل الناس ما كانتش هتسافر لبرا ولا تتغرب علشان لقمه العيش ؟ لو حسنى مبارك ما تنازلش عن الحكم ! لو الاخوان ما كسبوش الانتخابات ؟!! لو مرسى بقى راجل وساب الجماعه فى حالها وقرر يبقى شخص فعلا عايز مصلحه البلد !! لو هندسه القاهرة اتغيرت واتغير كل مافيها من قرف وفعلاً اصبحت كليه ذات قيمه واستفاده زى ماهو معروف عنها مش مجرد صيت على الفاضى !! لو بطلنا نقف للناس على الواحده والسواقيين يعدوا لبعض !! لو الشعب قرر يبطل كسل وسلبيه لو انا ما سرحتش فى الطريق وركزت ما حصلش ان المحطه بتاعتى فاتت ومضطر ارجعها مشى :( :@ كلمه لو مدخل الشيطان فاستغفر الله العظيم على ما كتبت واللى هيقرأ يستغفر ويدعيلى معاه بقى ^_^

بما انى ماعرفش ايه لازمه المقدمه فى اى كتاب او مجلد !! فبما أنها اولى مدوناتى فقلت اشذ عن القاعده واغير المفروض وطبعا بما انها اول كتاباتى على الموقع اللى لا افقه فيه شئ الا انه مدونه فبدايه الكلام السلام ونسم بأسم الله . يعنى افتكر تصورى للى هيتكتب مجرد كلمات متناثره اغلب ما يفهم منها علامات تعجب على وش القارئ!! اسلوب غريب الاطوار .. اعانكم الله عليا وعلى ما سأكتب الفقير الى الله احمد :))