تناقضات متناثرة

قررت قرار مهم إن أى حد يبسطنى هكتب هنا فى تدوينه عن موقف الشخص دا مدى تأثيره على يومى. النهارده أثناء تضيع وقتى على السوشيال ميديا لقيت فى الInteraction شئ رائع زى ما تقولوا كدا كنز. كانت من نورهان بتقولى إن فيه فرص عمل مقدمه من Nola Cupcakes زإنك تبقى موظف عندهم. حقيقى إنشحكت جدا لإن نورهان مقدره قد إيه أنا بعشق المكان دا والمنتجات اللى بيقدموها. غير إنها فى يوم كنت متضايق قالتلى لما ننزل المعادى ونتجمع هتجيبلى واحده Red velvet وحصل وبسطتنى جدا يوميها، الحقيقه أنا بعشق التصرفات دى وردود الفعل الطيبه دى. يمكن الشغل دا صعب عليا إكمنى لسه طالب. يمكن هفضل هفضل بحب المحل دا للابد ، لكن الأكيد أنا مستحيل أستغنى عن وجود صحابى فى يوم. النهارده أول يوم فى حياتى ألعب ضغط وأوصل ل 75 مره فى يوم. والنهارده قررت قرار مهم جدا صعب أقوله بس هيغير كتير إن شاء الله. **الكاب كيكس بالنسبالى 3 قضمات. الأولى إستمتاع الثانيه بداية البكاء من فرط اللذه والطعامه الثالثه بأقصى سرعه لتفادى الدموع .