تناقضات متناثرة

الناس هتفتكرك بإيه لما تختفى أو تموت؟! الموضوع دا مقلق شويتين كبار لما أفكر فى الوقت الحالى نظرة الناس لبعضها فى سننا دا فيه اللى هيفتكرك الكئيب ، اللى بيضحك على طول ، العصبى ، الرغاى ، الأوفر ، المبسوط ، القرد ، الشاطر ، الدحيح ، اللى بيعمل كذا .... إلخ ، الكلام دا كله لطيف بس الفكره تفتكروا هل دا شئ حسن؟ هل فعلا دى صفات مرضيه؟ الرعب كله لما تشوف الناس بتفتكرك بالكئيب ، المكشر ، وتيجى تقرأ كلامك تحبط وتتنكد زياده فلما تموت يدعوا الحمدلله غار كان منكد علينا ، كدا كدا إنت مش فارق مع حد للدرجه اللى معشم نفسك بيها بس برضو النسبه البسيطه اللى ممكن تفتكرك هتفتكرك بدول؟ خليك خفيف ، بطل تكون صاحب مصلحتك ، حاول تضحك وتشوف الناس تنسى اللى فيك .. لو مش قادر إعتزل الناس فيهم اللى مكفيهم فيه ناس هتموت وماحدش يحس بيها ولا يفكر يسأل عليها ، أنتم جنود مجاهيل وقيمتكم بعد ما بتختفوا .