تناقضات متناثرة

فى هدوء ما بعد الصمت .. فى صمت عتاب الهبوط يقبع .. لا تعلم ما هو السابق وما هو اللاحق .. فقط يكون أينما يجرفه التيار .. من دون مقاومه أو نيه للتغير المسار.. صوت صفير خواء النفس قد ألف تلك النوته ولم يشتق أبداً لتك الموسيقى .. قالوا أن لا أمل به وقد آمن بما قالوا وصدق على قولهم بالفعل والعمر .. حسناً هو يكرهكم كلكم ويصطنع الرضا ويعيش فى صمت من دون كلام أو حتى شكوى .. نُبذ من كل القواعد البشريه والإئتلافات الوهميه .. صار من مجاذيب الزمان .. صار وسارت الأيام وسيموت دون أن يعلم عنه أحد .. سيغادر فى صمت كما كان يجلس بينكم ..

الناس هتفتكرك بإيه لما تختفى أو تموت؟! الموضوع دا مقلق شويتين كبار لما أفكر فى الوقت الحالى نظرة الناس لبعضها فى سننا دا فيه اللى هيفتكرك الكئيب ، اللى بيضحك على طول ، العصبى ، الرغاى ، الأوفر ، المبسوط ، القرد ، الشاطر ، الدحيح ، اللى بيعمل كذا .... إلخ ، الكلام دا كله لطيف بس الفكره تفتكروا هل دا شئ حسن؟ هل فعلا دى صفات مرضيه؟ الرعب كله لما تشوف الناس بتفتكرك بالكئيب ، المكشر ، وتيجى تقرأ كلامك تحبط وتتنكد زياده فلما تموت يدعوا الحمدلله غار كان منكد علينا ، كدا كدا إنت مش فارق مع حد للدرجه اللى معشم نفسك بيها بس برضو النسبه البسيطه اللى ممكن تفتكرك هتفتكرك بدول؟ خليك خفيف ، بطل تكون صاحب مصلحتك ، حاول تضحك وتشوف الناس تنسى اللى فيك .. لو مش قادر إعتزل الناس فيهم اللى مكفيهم فيه ناس هتموت وماحدش يحس بيها ولا يفكر يسأل عليها ، أنتم جنود مجاهيل وقيمتكم بعد ما بتختفوا .

باقى من الزمن على إمتحان الكهربيه 13 ساعه أو أقل ، لحد دلوقتى ماعرفتش ميعاد الإمتحان ولا مكانه لكن هخلص اللى بكتبه وأعرف .. حاسس بشعور مبسوط شويتين إكمنى مخلص الماده بنسبة 80% وفاضل أحل إمتحانات وجزء بسيط .. يمكن أنا مستغرب الموضوع جداً وخايف بس خلينا نعيش اللحظه بلحظتها وبكره يعديه ربنا على خير أدين للمحروسه دى بكل شئ حلو/وحش حصل ليا فى الفتره اللى فاتت دى .. بقالى فيها 10 سنين أهو إتغيرت فيهم تغير جذرى للأسوء فى كتير من شئون الحياه .. كرهت أهلى أكتر وبقيت شخص صامت فى البيت بتكلم كل سنه ضوئيه مره .. بعامل لولو أحسن من أى كائن فى هذا المكان..الكليه بالنسبالى مكان حلو بس بعد المده دى هو مجرد حضور محاضره بنت ستين جزمه وأقعد ويا العيال ونسف شويه وبس..زمان كان النادى متنفس لكل الخراء اللى بشوفه وبفرغ طاقه حالياً كرشى هو رد الفعل الطبيعى لهجر النادى أو أى نشاط وحركه... بقيت عصبى بزياده لدرجة إنى هتكت الإعصاب والعضلات المحيطه بالصباع اللى فى النص فى إيدى اليمين مرتين لمجرد إنى ضربته المره الأولى فى الرخام،والتانيه فى حيطه وغالباً كانت مسلحه.. عيشت فى قطر وسافرت السعوديه والغر

بعد ما فكيت الجبس لقيت شعور غريب إيدى مبسوطه إنها إتحركت بس خايفه تتحرك وبالعافيه قفلت على نفسها ، شعور بشئ وهمى إنى ايدى ثابته ومخلوقه كدا. إنطلاقة حريه وأدرينالين رهيب مخلينى عايز أمشى على إيدى وأتاكد إنها سليمه بس ألاقيها سخنه جدا وبتترعش زى ما تكون خايفه. الحمدلله على نعمة الصحه .

التدوينه دى هتتكلم عن ملخص الكم يوم اللى فاتوا ومكتوبه بالعاميه وفيها كلام كتير يصنف هرى   السنه الجديده بدأت بإعادة نفس الحادثه واللى حصلت يوم 5-5 .. السبب المره دى أتفه بكتير من المره الأولى التافهه فى الأصل .. أنا عارف إنى تافهه .. المهم دلوقتى أنا بدون بالجبس ودا شئ جديد .. لازم أبطل عصبيه وأتعلم أخبط حاجه تكون حنينه شويه على إيدى أو ألبس جلوفز للوقايه من الجبس!.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ My D.M اليومين دول فيها كمية أكل وتصبيح وتمسيه يجوعوا الشبعان وحابس بكوباية شاى ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ هكلمكم شويه عن سفرية رأس البر .. أولاً هى كانت مفاجأه رغم إن شامى كان مكلمنى عنها..طلعت وأنا متخانق مع البيت كله علشان شايفين إنى بستهبل وبضيع وقت –دا حقيقى بس تفكيرهم بيخليك تصمم تعند