تناقضات متناثرة

معضلة كل يوم مع الأكل هي أني كل يوم بصحى من النوم عاوز أكل كل حاجة سكريات ونشويات، بعدين بلاقي نفسي بفتكر أن كل الكلام دا هايزيد من شكلي الخرة وبيزيد من كمية الدهون اللي هاكون محتاج احرقها. بكره شكل جسمي حالياً وبتضايق كل مرة ببص فيها في المراية، الوضع بيزيد سوءً كل يوم وبقيت بتعامل مع الأمر بنوع من الهروب. كسم الأدوية مليون مرة.

يمكن في حياتي عمري ما قرأت رواية وفضلت في بالي بالشكل القوي دا، يمكن ﻷن الرواية فيها شخصية هي أنا بالظبط وبتشرح كل حاجه حصلت/بتحصل في حياتي، والمشاكل اللي مكنتش واخد بالي منها. الموضوع صعب وسخيف والشخصية في الرواية معرفتش تتعامل مع اللي حصل لها وانتحرت. في الرواية الشخصية نجحت في اللي اجبرت عليه، وقدرت أنها تتخطى المرحلة التعليمية، في المقابل أني بعافر عشان اعدي العقبة دي. أنا حقيقي معرفش وبعدين وﻹمتى الصداع اليومي دا، لإمتى هافضل في الحفرة المليانة قرف دي!. بتمنى اخلص من كل اللي بمر بيه دا واخلص من الحياة ذات نفسها. مجرد تراهات وهبل عمره ما هايحصل دي حاجه أكيدة. النهاردة حفلة تخرج الشباب في فنون جميلة، السؤال المهم هو أنا ليه قلت ماشي أني احضر الحفلة؟ ياللا ساعتين من العذاب.

من المشاكل اللي بمر بيها في الفترة الحالية أني بعد ما زقيت الناس اللي كنت بتسند عليها وبقيت ماشي بعوم في الفراغ مع نفسي أن الغباوة ما وقفتش هنا بالعكس الموضوع بيزيد والقوقعة بتضيق. وبعد ما كان فيه سبيل من النزول من المكان اللي بعيش فيه دا واللي بيقولوا عليه بيت بقيت ملزم اقعد فيه طول الوقت ﻷنه افضل بكثير من النزول والتعامل مع الهمج اللي في الشارع، إلا لو نازل هانقعد في بيت حد من الرفاق أو ستارباكس، ساعتها استحمل التعامل مع الهمج. إسلام في مرة من المرات قال ليا أني مبروحش له غير في وقت الدراسة بس، وأني بتعامل مع مشاكلي بس وقت الدراسة وبهرب من الدراسة بمشاكلي وفي الأجازة بتقوقع بعيد عن كل حاجه وبستغل أنها أجازة. المرة دي بقى مبقيتش بهرب من أي حاجة غير النزول من البيت، وبقيت بدوس على العلوقية اللي أنا فيها وبحاول اذاكر، والجميل أني بسمع المحاضرة تمام، آجي عند الassignments بقلب بطة بلدي وبيجيلي احباط بيفشخني. ويكأني مفروض احل حاجة جديدة عليا تماماً بصباع رجلي الصغير!!، ياللا أديني بمر بالاحباط دا دلوقتي وبقالي أسبوعين مبعملش حاجه وبحاول اخرج منه واحل وبدأت انهاردة بس بحاول اكمل بدون ا