تناقضات متناثرة

بعد سهرة مع الشله ، والتهييس والهزار المطعم بالهبل بمناسبه هذا الوقت من السنه قررت العوده الى المنزل فى ذلك الوقت المتأخر من الليل ،وياليتنى لم انوى تلك النيه فما شاء الله صار البجح علنياً ان يضع الاخوان المسلمون لافتات واشياء لتهنئه الشعب المصرى واهل المنطقه بالعيد السعيد فطل ببالى شخصان الشيخ عماد عفت وبسمته المحيره !!! وشهداء احداث ما بعد الثورة !!! لولا الله ثم تضحيه هولاء الناس لما استطاع اولئك الهلاميون ان يكتبوا ان تلك التهنئه منهم وتذكرت كل تلك المواقف المشينه من الاخوان تجاه الثوار ثم الركوب والغزو ، ثم الاعتذار بعد ان يذوقو المرار فحتى لحظتنا هذه لم يدرك اولئك القوم ان لهولاء الناس حقا فى رقابهم ومشغولون بالزائف من العمل ليس هذا هو الموضوع .. ما  احببت ان اقول عيداً سعيداً يا شعب مصر من شهداء قد نسيتهم بفعل روتينكم اللعين ، ورحمه الله على كل من ضحى فداء هذا الوطن مسيحياًُ كان ام مسلماً ويارب اخرجنا من كيد الكائدين سالمين لا مفتونين :D

هى فانيه كل تلك الاشياء الباهره الماجنه فانيه هالكه عيوننا عن الحقيقه قاصره تلك الشهوات ، والتنعم بالملذات وخروج ودخول فى تلك السقطات فى النهايه فانيه مشاجرات ونزاعات غضب وفلتات كذب ، غش ، هراء فتيات كل تلك الاشياء صفقات ما حالنا الا فى تجاره طلب وبيع وما منا احد يرغب بالعمل من دون نفعات اعطيك صدقاً تعطينا ما لم ادركه من الجاه ان كنت خصماً ادنوا اليك لاقصيك عن سلم الحياه وان كنت رفيق دربٍ تلاعبت بقربك لاركب حقك واصير ملك الجباه فيا قوم ركبوا قتلوا وذبحوا امال العباد سحقاً لبطون حملتكم وارض علمتكم الحياه !!

كانت محض وهم فى اخيلته البعيده المنال وعندما تراءت له واصبحت شبه حقيقه اختفت مرة اخرى لكن مع اضعاف ألمه السابق أصبح ناقماً على كل أحلامه بعدما فقد أول خيط أمل فى السير على تلك الخطى المرسومه قرر ترك كل الأحلام الخياليه والسير فى تلك التى رأها قد اوشكت على التحقق لكن عندما كاد يوشك على وضع أساس أقرب حلم للواقع إنهار .. واصيب بتلك الإصابات الداخليه أصبح محطماً .. مكتئباً لكن تلك الحادثه أضائت عينيه على طريق اخرى طريق كتلك التى يسلكها المهرجون وراسمى الضحكات على وجه البشر بعض من الوان البهجة على وجه المضحك تخفى أثر الزمان على وجه تملأ الألم الظاهر على جلده ويبدأ بقص قصص .. وحركات جسم تدهش الناظر وتثير غرائزه فيضحك الجمهور ويسعد سعاده لحظيه بثواب اولئك الناس ويتناسى ألمه ، يكتفى بتلك الضحكات علَّ شخص ما من الحشد الحاضر يدرك ألمه ويسكب قطره من عينيه تمس ألم الحاضرين لعل الحياه لا تستحق ، لكن منا من فقد الابتسامه لما لاقى من تشققات فى جلده على اثرها وضع من وصفات التجميل ما تخفى تلك الآثار لعل من بيننا اشخاص الامهم لا

بحلم والحلم يمكن مش مقاسى  اعمل ايه صاحبى دلنى وقالى احلم يابنى حلمك جواك سارى  تنوله او تطوله حاجه عند ربك العالى بس احلم دا الحلم مش غالى اجرى وبخيالك ارمح ما هتلاقى فى طريقك افاعى خوض التجربه وارمى من حلمك فكره تصبح فى يوم تبقى نجم فى العلالى مافى حد نجح ولا ببكره فرح الا كان وحلم فى نوته اغانى بس اتحمل وصبر وسنامه اتملى امانى لا خاف يوم يتسرق ولا يتقال اهبل وطريقه بلاوى اصله من غيره اتعظ وعرف كل مافى الدنيا فانى وان حلمه هينفع اكيد واحد تانى ماعليه غير يسعى وربه بيرضى بالمجاهد الساعى

الحمدلله الخير الفتره دى منتشر فى مصر بس الغير منتشر فى البلد دى ومن زمان انك تدى الحاجه لخبازها على قوله واحد صاحبى يعنى انك تبقى معاك مصادر من جهات عديده وتعرف الفقراء دا شئ قوى لكن انت محتاج وجه حسن وطيب ، وردود جميله تتحمل زن الناس المحتاجه انا كل ما اشوف الناس المسؤوله عن توزيع الخير او الفلوس من المتبرعين الاقى وشوش تقلب المعده وطريقه معامله بنت تيت والاحلى بقى ردود الفعل لما تلاقى واحده محتاجه وبتزن او بتمثل :/ تلاقى وش كشر عصبى ولو ما تطاولش وادبه قل على المحتاج يبقى خير وبركه نفسى انشر فى الوسط دا حديث " تبسمك فى وجه اخيك صدقه " والادهى والاكثر ألماً تلك الكائنات المتدينه التى تظهر الوجه السئ منها للبشر ، فى منهم له جزء من التعاطف انه لا يقدر على التبسم او فرد الوجه ، احترم منهم من يعتزل التصدر فى التوزيع ومقابله الناس ، ومنهم من يتصدر وعن اولئك الناس اتكلم ياريت نضحك وتبقى الناس فى الشوارع لما تشوف حد بيضحك ما تتريقش ، ولا البنات تفتكر انها بتتعاكس لما الولد يضحكلها ، ولا الولد يتغر لما البنت تضحك فى وشه. اعملوا بالحديث القائل ( تبسمك فى وجه

أيام .. اسابيع .. ربما شهر ! تلك هى المده الفاصله عن قرار او نتيجه تحسم مستقبلك الى ان تموت وتلقى ربك تحدد على اى اساس ؟ ... مجرد قوانين بشريه غير سويه وفى الاساس لم اعلم صحه تلك المعلومه انما لا يوجد من الاساس فى قوانين تلك المنظومه ما يجرى على ارض الواقع عن التنسيق الاقسام اتحدث يا ساده مجرد قانون سائد الا وهو قوى العرض والطلب لا أعترض ولا اغضب ولكنى احبطت من القوانين الغير مقنعه ولا اساس علمى لها !! على اى اساس يتحدد مصيرى المهنى على اساس درجات لعلى كنت قد استهترت فى تلك السنه ولم احصل ما يكفينى لما اريد ! ومن الناس من يحصل اعلى الدرجات ويدخل قسماً لمجرد انه اعلى وافخك الاقسام شهرة وحينما " يتدبس " فى  القسم يندم ابد الابدين على الاختيار الغير موفق ومازلنا بعد قيام تلك الهبه الربانيه راضيين وقابلين بكل القوانين العقيمه التى وضعت من قبل عقيمى التفكير والمنطقيه اللهم لا اعتراض على قضائك فارضنا بما اخترت لنا وخفف ألمه علينا :)

رحمه الله عليه كان نزيها شريفا او فى الناحيه الاخرى الله يحرق ايامه كان ابن *** حرامى مرتشى طيب انا بس عندى تعليق واحد على الناس الجلاده او المحسنه فى الكلام دى هل انتم مراقبين لاعمال الناس لكى تحكموا بما لا تعلموا ؟؟ وخصوصاً الحكم على الحكام الاموات بما لا يحق لنا السادات وعبدالناصر انا لحد اللحظه دى لست مستقر من فيهم كان جيد الاداء ومن ادى الى انهدام وانحدار البلد اقتنعت بأن السياسه عمرها ما بتقول للناس كل حاجه .. يعنى بعد سنين هنكتشف حاجات عن السادات وعبدالناصر قد تسئ ليهم او تحسن ليهم اما عن مبارك ولأنه عايش وعشنا ايامه فنسب ليه ايمان الدنيا والاخره لأنه شخص سرق ونهب وفجر وعمل الدنيئه مع البلد من الاخر اتقوا الله واعملوا بالحديث الضعيف القائل " اذكروا محاسن موتاكم " انا لا ناصرى ولا بحب السادات بس النقطه دى لاحظت ان كتير بيقع فيها والسب والقذف على عينه فى الحوار دا

من بعد احداث الحدود يتمالكنى القرف والاكتئاب من ذاك الشعب المزعج شعب عاش  30 او ما يزيد عن ذاك الرقم من الذل والعبوديه والضرب على القفا وللاسف تأقلم معه وصار يحبه حباً جماً لدرجه انه عندما بدأ التغيير ثار على من يثور واتهم كل اولئك الشباب بالغباء وزعزة امن الوطن "المستقر" ، اين الاستقرار فى ذلك العهد يا بشر!!! وعندما تغيير  الحال وخلع من تمسك بكل اركان السلطه نزل الشعب " الزياط" ليحتفل بما لم يقم به وقال الجيش والشعب ايد واحده ولكنها لم تكن كذلك منذ اول وهلة وقد كنت ممن رفضوا تسليم السلطه لكلب الرئيس وخادم معاليه فالمشير آكل شارب نائم فى احضان الرئيس ، ازاى يبقى ولائه للشعت!! شعب طيب اوى يا خال وبعد ما الجيش مسك تعرض شريط سئ من المشاكل والمصائب ولسه فى ناس مقتنعه ان الجيش دا كويس (الجيش = مجلس ومشير) وبعد كدا لاننا شعب جميل مثقف وعارف هو بيختار ايه قام الشعب دا من بعد ما خد المغرى من الجيش قام اختار الاخوان الاراء المقاله فى ذلك الوقت :" لانهم ناس كانو مظلومين فى عهد مبارك هيتقوا ربنا فينا ، انهم ناس بتطبق الدين وماينفعش تنتقدهم "

بمناسبه احداث الحدود ومقتل عدد لا اتذكر كم من الشهداء لم احزن عليهم بقدر ما انا حزين على شعب همجى النزعه ، انفعالى اللحظه فى نفس التوقيت من السنه يقتل الجنود على حدود مصر ويثور الناس لوهله ، وتعتذر حكومتنا عن همجيه الشعب واقرب الاعتذارات السنه الماضيه فى احداث السفاره عندما اقتحموها ويكأنها مقر الكفره والظالمين ولا بد من ابادتها من على وجه البسيطه وهذا قلب الحقوق ، فبعد ان كنا اصحاب حق ويدينون لنا بإعتذار اصبحا المركوبين المخطئين ، واعتذرنا عن ثقافه ذاك الشعب وقد مات منا بعض الجند !!! وبالرغم من انى اصنف من اليهود اعداء محمد مرسى ، الا انى فى هذا الموقف اشفق عليه من غضب الناس لانهم لا يعرفون على حسب ما قرأت ان القرارات العسكريه تمنع الرئيس من التدخل فيها وما عليه الا الاعتذار والصمت ، وترك المشير اللعين التحكم فى مصير واحوال البلد العسكريه وان كان خطأ احد فهو خطأنا نحن الشباب ، وكل من ادعى الثورجيه تركناهم يستمرون فى عهر التعتيم على الاحداث والحقائق واستمرار مسلسلاتهم الدمويه فماذا سيتغير فيهم !! الا بعض الخوف والعمل معنا بأساليب العاهرات تظهر لك ساقها فترض

كان وكنا والكينونه منا لم تكون هناك شئ فقد منذ اخر لقاء الهروب من الواقع الى حلم او احلام لم ترسم الا بالخيال ولم يخطى بها اى خطوه فعليه لتحقيقها هربت منه تلك اللحظات الطفوليه نمى الشعر على اوتار قلبه دندن الكرب بكل غرفه من الغرف الاربعه الموظفه لضخ الحياه صارت النوته تعزف شيئان كرب وامل فى الهروب وتغيير تلك النوته الملعونه لعب على جميع الاوتار لكن تبقى الغرفه اصيله كمعدن قاطنها لا تقبل التغيير لان فيه نكران لاصله البشريه الحقيره قرر لزق ورق الفرح على حوائط تلك الغرف المحاطه بتلك النوتات الموحده القافيه فلم تقبل الجدران ذاك الشئ الخادع والقناع الغير مبرر لم نخفى احزاننا عن البشر ونتحمل منهم مالا نطيق اتلك شهامه ؟؟ كرم اخلاق حسناً ولكن من يقوم بمسح احزان تلك الغرفه ان لم تبح بمكنونها ؟ فتذكر القاطن شيئا ما انه خلق للتبسم والابهاج لا من اجل الشكوى والتذمر .. وقرر هدم تلك الغرف لكنه نسى دفن النوته المكروبه فذهب الكثير منه فى عمليه الازاله تلك وبقى له ما كان يريد ان يدفن مع الكثير من الغربه !!

تيليفون بيرن بعد نص الليل هو : الو !!!! المتصل : ايو يا معلم الحق واحد صاحبنا الله يرحمه هو : صاحب مين ؟؟ وانت مين ؟؟ المتصل : انا احمد يا بنى آدم فيه ايه ركز وحياه ابوك مش ناقصه ، واللى مات واحد كان معانا ايام المدرسه هو : معلش يا احمد لسه مش مجمع ، مين بقى اللى توفى دا ؟؟ المتصل : واحد من ايام المدرسه كان معانا فى اعدادى اسمه سامى هو : سامى مين دا ؟؟!!! ........... ااااه افتكرت الواد دا  ، بس الواد دا كان ما شاء الله عليه رياضى !! ايه حصله ! المتصل : بس تعالى ونتفاهم بعدها بربع ساعه وفى المستشفى هو : ايه يا بنى آدم يا بومه ، عرفت ازاى انه توفى ؟؟ وايه خلاك تصحينى وتجيبنى كدا ؟؟ احمد : سامى الله يرحمه توفى جرعه زياده هو : ايـــــــــه !! ، بتتكلم ازاى دا كان ما شاء الله عليه صحه ورياضى ، ما صدقش الكلام اللى بتقول عليه دا احمد : زى ما بقولك كدا ، سامى الله يرحمه انا كنت معاه فى آخر ايامه كان رياضى ايام اعدادى ، كان بيتكلم عنك كتير اوى وكان نفسه يشوفك بس انت عيل نذل ماعرفتش اجيبك تقابله لانك عاملى مشغول سامى بعد ما خلص ثانوى دخل تجاره ونجح وجاب تقدير جيد ع

تفنيد الماضى شئ جميل وصعب فى نفس الوقت ، لما الفيس يبقى هو والزمن عليك ، وتبقى قاعد بتشوف كل حاجه حصلت عندك من يوم ما عملت الاكونت ، تلاقى بقى ناس كانت عندك ولم يوجد لها اثر فى حياتك !! ناس بدأ التعامل بيهم من فتره قريبه جدا بس اصبحوا من اقرب الناس ليك من مجرد تعاملات بسيطه !! الحمدلله على نعمه النت ويصبرنا ربنا على نقمته وابتلائه ! انا من النوع الكاره للخساره ولما اخسر بكل السبل بحاول تبقى الخساره اقل ما يمكن الا إن فى بعض المباريات فى حياه الانسان الخساره فيها كما الخساره للنوادى العملاقه والعظيمه كما الزمالك :)))) الحمدلله ان مش كتير بيشوفوا كلامى دا لانه احياناً بيبقى غريب وشاذ عن تفكير كتير من الناس بس حلو انك تبقى غريب وعجيب

واراد الزياره فقدم الرسوم واستلم اذن الدخول وعمره كان الخساره مشى بأناقه سلم البخور وباقات الزهور كنوع من اللباقه وفى حديقه ذات بهجه أّخاذه اقتطف من على السور ذكرى قبول ضحكات سرور ولفها بالعجيب من انواع الشياكه فقدمت من اقصى الممر ساحره قالت : اختصر تنل القبول تخلص من ذاك القوس المرسوم فجلالتها منك ومن اسمك المشؤوم ارسلت بإحضار قتله الاحلام النادره فدخل قصر الملكه القاصره  استولت بالرغم من قصر الطول وسنها على اصابع اليد معدود فهى مكر مذئوب شر جهنم تاب من تلك اللعوب فلزمت ادب الكلام وطلبت طلباتى النادره سيدتى الفاضله ارغب بحال ميسور وبال بغير الافكار مشغول ارغب بتلك القاصره القابعه على ملك الاسود وتسيطر على كثير من العقول لكنها وان تعالت قاصره فزمجرت سماء الساحره ولفظت لعنات غرور واختفت نفسه واصبح هو المفقود ! وربطت لعنته بأن يخرج من جحره الملعون وقتلته القاصره 

فى محاضره من محاضرات التنميه البشريه .. قررت اسمع واركز على غير العاده يعنى لما المحاضر وصل لقيته اول ما دخل سلم على الكل وضحك ليا وسلم !! .. طبعا استغربت بس هو وشه سمح كدا ومبتسم - ما شاء الله - ضحك وسلمت عليه لما بدأ ايتكلم اى نعم الموضوع كان بالنسبالى عقيم لعدم اقتناعى بشغل التنميه البشريه بس قلت اهو نسمع كلام بشكل جديد .. لاقتناعى ان كل شخص ليه اسلوب لشرح موضوع يختلف تماماً عن شرح شخص تانى لنفس الموضوع المهم .. كان بيشرح كتاب العادات السبع لستيفن آر كوفى .. الكتاب قديم جدا ، مكتوب سنه 1989 حاجه متربه بضمير الكتاب لحد من قريب عرفت انه ما زال محقق اعلى ايرادات .. والراجل مات اصلاً !! الكتاب بسيط لدرجه تحتقر ..بس مؤثر الى حد كبير للناس اللى مافيش محفز فى حياتها بس سمعت كلمه منه قويه جدا .. التأثير عمره ما يبقى تأثير مستمر الا لو غيرت فى ال 80% المخفيين التحفيز دا كله بيبقى تغيير فى 20% من الظاهر ال 80% هى عباره عن : الشخصيه المخفيه والحاجات اللى ماحدش بيعرفها الا احنا .. بمعنى انك بتغيير فى الجذر ال 20% هى عباره عن : الشئ الظاهر من الشخصيه والتعاملات المبنيه على الجذر

حاله من الزفتوتيه مسيطره على صاحبى  بسأله : ليه كدا؟؟ هو : انت مالك !! انا : ياعم والله انا بطمن عليك .. طيب قولى كدا بتفكر فى ايه هو : والله ما بفكر فى حاجه بس انا صعبان عليا نفسى انا : وتقولى انت مالك  .. قول يا عم دا انا صاحبك واخوك احكى يا ريس هو : ولا احكى ولا حاجه يادوب كل اللى جوايا  ليه ؟!! انا : هنشتغل فى الازرق بقى .. بطل الغاز وانطق بقى ابو معرفتك هو : يا عمى براحه عليا انا هقولك الفوله واللى فيها .. انا وعدت وعد وخلفته وخسرت الشخص بسبب الوعد دا انا : اممممممم - فى سرى- يخربيت ابو الوعد على صاحبته على اللى خلاك تحب فى يومك هو بيكمل : وعمرى اللى فات من بتاع21 سنه اهو ولا جددت حاجه ، لا انا مثقف ، ولا شاطر فى شغلانه تسند انا : فكها يا كئيب يابن **** ليه مسودها كدا !!! هو : المفروض ابقى ازاى يعنى ؟؟ منفض للحياه وماشى بالبركه وعيل فاضى زيك كدا ؟؟ انا : يا عم ما قلتش كدا بس ما تبقاش شايفها سوده كدا ..خلى عندك تفائل شويه هو : انا شايف الواقع .. هتخرج على 24 سنه .. جيش 3 سنين .. يعنى بالميت اكون نفسى علشان احقق ك

دايما بنقول النهارده اخر يوم ودى مش حاجه وحشه بالعكس ده اكبر دليل انك عارف عيوبك وغلطك وبتحاول تصلحهم وكتر ذكرك للغلطات دى تعتبر تهئيه لعقلك الباطن عقلك الباطن عبارة عن ارض بتبنى عليها اللى انت عايزه كل ما بنيت بسرعه المبنى هيبقى هزيل يقع بسرعه لكن لما تاخد وقت تاسس المبنى صح هيطلع مبنى جميل وقوى لو ضيعت وقت كتير فى البدايه لمشاور حلمك متخفش لسه تلحق تنجز اللى فاتك ياما ناس كبيرة اتعلمت القراءة والكتابة  قبل ما تموت المهم تفضل فاكر انك فى يوم من الايام كنت متميز وطالما فيها كنت اعرف انها مجرد اتربه لو شيلتها من نفسك وعقلك وروحك هترجع تانى متميز طالما بتفكر فى بكرة ومستقبلك طالما بتفكر تتغير طالما بتحاول لازم تعرف ان النتيجه اكيد هتكون اللى حولت تزرعه وتبنيه فى عقلك الباطن ولو ورت هتلاقى امثله كتير نجحت من بعد فشل او هو مفيش نجاح من غير فشل والا ميبقاش نجاح يبقى طبيعة

حاجه كدا بتتعمل وتتقال للطالب اللى لم ينجح فى السنه الدراسيه ويبقى ليه حاجه اسمها ايه " دور ثان " يمكن الكلمه ليها وقع سئ فى النفوس ان الطالب دا فاشل ومش نافع وداخل يحاول ينجح !! بس فما بالك بطالب فى كليه الهندسه داخل يمتحن امتحان اسمه دور تانى ؟؟؟ ، فعلا تميز وسيظل الشعب المصرى مميز فى التسميه واطلاق الاسماء على الاشياء ، قرأت فى مره عن ان فى رقم فى الصين نطقه شبيه لنطق كلمه ( موت ) ولهذا السبب لا ترقم الغرف فى المستشفيات بهذا الرقم مراعاه للشعور الانسانى ، انما فى مصر  ام الدنيا وبلد الفراعنه ، تتعلم تجميد القلب ولما تتعب تعب وحش تدخل غرفه كدا مجهزه باعلى الامكانيات " دا المفروض " اسمها  الانعاش . احذف ال التعريف واقرأها كدا بهدوء ان عاش !!  ، وقس على المثال دا امثله لا تعد ولا تحصى. العميد  الجديد لما حب يفرح الطلبه قال نعمله وماله اهو يبطلوا زن وصداع ، بس اكمنه عميد حب يعمل حاجه جميله كدا قال وليه نديهم الموضوع هديه ؟!!!! لازم خازوق مغرى علشان ما يبقوش مرتاحين 100% وقد كان له ما اراد ، وتفكيره شده الى ان نتيجه الماده لا تظهر الا بالتوازى مع التيرم الواقعه فيه