تناقضات متناثرة

الهواء جميل جداً، الجو فيه برودة بداية الخريف والصيف بيودعنا. كل اللى بفكر فيه أن دا وقت مناسب جداً ﻷموت، معرفش ليه، مفيش أي شئ سئ للدرجة قد يكون سبب في التفكير الغريب دا، النهاردة ثالث يوم العيد - احنا لسه في بداية اليوم يعني- ثاني يوم أجازة ليا من الشغل. كنا في الزمالك وكنا بنتكلم وبنتناقش وقاعدين كل شئ جميل، لحد ما قعدنا في العربية وقعدنا نتكلم شوية وبعدين شغلنا أغاني، اشتغلت كل دا كان ليه، للثلاثي جبران، وحقيقى، كل دا كان ليه؟ محمود طلب من وصال أنه لو مات تكتب على شاهد قبره : " كل دا كان ليه؟ " ودي حقيقة، كل دا كان ليه؟!. في واقع الأمر دى حقيقة، معارك دموية، جبهات كثيرة في وقت واحد، أمور مصيرية مهمة جداً، الوقت مستحيل يشفي جرح غلطة عملتها في حق حد، مستحيل ها تقدر تنسي اليوم اللي قعدت فيه أكثر من أربعين دقيقة تتكلم وبتقول كلام كله وجع لبنت غريبة جداً عنك وكانت قاعدة بتعيط بس كملت كلام بدون أدني احساس. العيد دا عكس العيد اللي فات الحمد لله، الدنيا أحسن مادياً، اجتماعياً إلى حد ما لطيفة. المقربين قلة قليلة جداً، ﻻ يتعدون اليد الواحدة. الجو مشجع جداً أن الشخص يموت، م