تناقضات متناثرة

بكرة أول مادة ليا فى السنة اللى بقالى فيها 4 سنين، معنديش أدنى فكرة ليه صاحى من النوم صامت ومش بتكلم وبرد الكلمة على قدها ومبذاكرش ونمت كثير جداً وعندى صداع من كثرة النوم. الحقيقة، محتاج أركز لأن المذاكرة مهياش صعبة بالعكس براجع والموضوع ماشى كويس ولكنى مفتقد حاجة مهياش وقتها أنها تُفتقد دلوقتى، الوضع سئ وعاوز ابعد عن كل الناس واختفى عن الحياة واختقى من الوجود، معرفش فيه إيه النهاردة، اللى بكتبه دا شئ مالوش أى لازمة أنه يتكتب والمفروض أنه ما يتكتبش ولا يتقال ولكن الصمت حرفياً بينخر فى دماغى بشكل مؤلم. بكرة بداية مرحلة جديدة عليها، اتمنى اكسب الكثير منها.