تناقضات متناثرة

صحى من نومه بيحاول يبتسم ، اصله ناوى قبل ما ينام يغير نظام كلمته ، تبقى مبسوطه ، مرسومه من غير صفار دنيته ، فضل نايم على امل ما يقومش ويتحايل على كلمته ! ، كان بينه وبين نفسه قال عمره ما يغير ملته ، كئيب حزين ويا رنته ، بينا ميعاد ولو احنا بعاد هيقابلك فى غربته . طارت من عيونه ، هربت من حفونه   26/10/2012

فى أول فتره بعد ما عرفت نتيجة أول سنه ليا فى الكليه تصورت إن نهاية العالم لما يحصل ليا كدا ، مريت بفترة انقلابات وخسائر معنويه وحسيه ، لكنها الحمدلله عدت على خير واكتسبت منها خبرات وصداقات كتيره وجميله . بعد المده المقضيه فى المحروسه عرفت ان الحياه عباره عن تقلبات ومطبات ، هتعدى عليها شئت أم أبيت ، هتقابل الدكتور الغلس والدكتور الفاهم وملزم انك تتأقلم معاهم ، هتقابل الزميل ( المصلحه ، المتعاون ، اليائس ، متفائل ، الدحيح ، واللى بيحاول يكون شاطر ) كل الأصناف دى واكتر هتقابلها فى كليتى وهتتعامل معاهم كلهم ، يمكن فيه جزء منى بيرفض الوجوه المتعدده فى التعامل وبتعامل بشكل و وجه واحد مع الكل - وهذا ما يخالف تقليد جيلى للأسف - لكن أهو الواحد بيتعلم خامات الناس الموجوده علشان أعرف افندهم وأصنفهم وأقدر أتعامل مع كل نوع منهم بأى حدود . المده اللى قضيتها دى عرفت فيها كم شخصيات صعب أحصر عددهم ، وإتعلمت من كل شخص قابلته فى الفتره دى ، سواء كان قريب منى ولا بعيد اتعلمت منه حاجه فشكراً ليكم سواءً كنت كارهين معرفتى او سعيدين بيها . فيه جزء لا يمكن إهمال فضله عليا من بعد ربنا وهو علاق...