انا والتنميه

فى محاضره من محاضرات التنميه البشريه .. قررت اسمع واركز على غير العاده يعنى

لما المحاضر وصل لقيته اول ما دخل سلم على الكل وضحك ليا وسلم !! .. طبعا استغربت بس هو وشه سمح كدا ومبتسم - ما شاء الله - ضحك وسلمت عليه

لما بدأ ايتكلم اى نعم الموضوع كان بالنسبالى عقيم لعدم اقتناعى بشغل التنميه البشريه بس قلت اهو نسمع كلام بشكل جديد .. لاقتناعى ان كل شخص ليه اسلوب لشرح موضوع يختلف تماماً عن شرح شخص تانى لنفس الموضوع

المهم .. كان بيشرح كتاب العادات السبع لستيفن آر كوفى .. الكتاب قديم جدا ، مكتوب سنه 1989 حاجه متربه بضمير

الكتاب لحد من قريب عرفت انه ما زال محقق اعلى ايرادات .. والراجل مات اصلاً !!

الكتاب بسيط لدرجه تحتقر ..بس مؤثر الى حد كبير للناس اللى مافيش محفز فى حياتها

بس سمعت كلمه منه قويه جدا .. التأثير عمره ما يبقى تأثير مستمر الا لو غيرت فى ال 80% المخفيين

التحفيز دا كله بيبقى تغيير فى 20% من الظاهر

ال 80% هى عباره عن : الشخصيه المخفيه والحاجات اللى ماحدش بيعرفها الا احنا .. بمعنى انك بتغيير فى الجذر

ال 20% هى عباره عن : الشئ الظاهر من الشخصيه والتعاملات المبنيه على الجذر المزرع جواك

حاجه كمان قالها عملت معايا زى flash back  لما احنا مخيرين فى المعلوم من امور حياتنا ودى صح فعلاً انا كنت مخير فى كل وضع انا حطيت نفسى فيه انا اللى اخترت اتعصب وانا اخترت ما ابقاش هادئ وسهل الاستفزاز


يمكن دى اول مره اطلع بحاجه مفيده من محاضره للتنميه البشريه لان الراجل ربط الدين بشكل مقنع مع التنميه البشريه ، وقدر يحط  الموضوع فى اطار يمكن ان يقبل للمعارضين للتنميه البشريه اللى كان فيه جزء ليس باللقليل اللى معارض للتنميه البشريه

انا احترم المحاضر اللى حضرتله النهارده :D

المهندس/ احمد الشوربجى 
خريج دفعه 2007 - ميكانيكا قسم باور .. احد مؤسسى GATE