كانت صاله واوضه !!

الشارع المصرى ابو الاستفزاز

*الطريق 

 مواصلات زحمه وكل يوم الاجره بتزيد والناس مش عارفه تعمل ايه ، افتكر اول ما جيت مصر من 9 سنين الاجره من ( فيصل 

الطوابق) كانت ب 50 قرش ، ولما زادت ربع جنيه الناس اتجننت بس كالعاده شعب عاطفى فى الاول خناق وبعد كدا اتعودا ، ودلوقتى 

علشان تنزل الجيزه بتقطع الطريق وممكن توصل لحد 2 جنيه وشويه !! ، لسه سامع عن دراسه بس الرقم مش دقيق اوى ان المواطن 

المصرى بيقضى نسبه لا يستهان بيها من عمره فى المواصلات بس !! ، تخيل معايا مشوار بسيط من الجيزه لحد بيتك فى اخر شارع 

الهرم ممكن ياخدله ساعه ونص ! يعنى تسافر لحد اسكندريه ، ربنا يرحمنا.

* بداخل ما يوصلك للمشوار بتاعك :

ناس بتتلكك لبعضها علشان تسب الدين وتقل ادبها ، ويا سلام بقى لو كان فيه راجل متدين وقال عيب كدا ، يسيبوا كل حاجه ويتهزق الراجل دا 

وخد عندك بقى جوز عشاق فى المواصله ، وشغل الافلام الاجنبى والهندى يشتغل ، وتبقى شاشه عرض فى المواصله !!!! ، بيبقى ناقص مشهد واحد فى الفيلم دا ، بوليص الاداب يطب على الميكروباص ويلم اللطاف دول :S 

وان كان حظك زى حظ القطه السوده فى ثقافه المصريين وطلعت ميكروباص السواق ليه ميول سياسيه معينه وواحد مخالفه قال حاجه ما عجبتوش ، ياه الطريق بيبقى اطول بشكل بشع

وعندك بقى  اكتر حركه بيعملها سواقين الميكروباصات ، تيجى تقعد قدام علشان انت مش عايز تقعد وراء لميولك العجيبه ، والسواق يصدمك ب " خلاص قدام اكابتن !! " ، متأففاً بتقعد وراء ، لكن تأتيك الصدمه اللعينه ان قدام خلصان علشان البنوته العسل المشخلعه اللى اصطادها السواق هتقعد قدام علشان تبقى الفرده اللى نازلها طريه

( فرده طريه يعنى = الفرده هى ان السواق ياخد الخط رايح جاى ، ومعنى طريه لفظ يطلق عندما تكون هناك انثى فى مكان يكثر به الذكور )

حبشتكلات اخرى  

اغلب الشباب بقى كل هدفه فى الحياه انه يبقى ماشى مع بنت لابسه مش لابسه ، والبنات بتقلد تقليد اعمى ، وتناست تلبس قبل ما تنزل من بيتها، ولما نشوف ايه سبب الهلهله دى تلاقى ان الاهل السبب الاول والاخير فى الموضوع دا ، حسره

شعبنا  المصرى العريق نسى الهدف السامى من الحياه ، بقى هدفه لقمه العيش ( ما تفرقش حلال حرام ) ، يتجوز ويشبع رغباته ويبقى عنده عيال علشان ما يبقاش اقل من حد . وياسلام لو كان شخص غير واع ويبقى متجوز ويتجوز تانى والقرف  . 

عايز ايه من شعب فيه كل الحاجات دى ؟ .. والجزء المطور او المثقف او الكويس من الشعب محبط بسبب النماذج دى وتكسير مقاذيفها

  عايز ايه من شباب  محبط ، غير مثقف الا فى جوانب بسيطه جداً ، شباب الدين عندهم زى اى حاجه ولا يعرف يطبقه على حياته اليوميه !!
فى حديث عن النبى عليه الصلاه والسلام بيقول فيه "  انما نصرت بالشباب  "

لا ادعى انى مصلح وشخص ايجابى فى المجتمع ولكنى  احاول ان اصلح من نفسى وبكتب الكلام دا ليس احباط للناس او غير كدا بس تجميع لكميه لا يستهان بيها من السلبيا ت اللى شفتها فى سويعات نزلتها الشارع .

انا يمكن نزولى للشارع بقى قليل اوى بسبب الكلام دا، ودى حاجه مزعلانى انى بقيت بختفى عن العالم الحقيقى ، فهل انا ملاك انى اشوف كميه العرى دى فى الشارع واسكت ؟ طيب نفرض انى شخص اعرف دين شويه وبغض نظرى عن الكلام دا ، من هو غيرى يعمل ايه فى الموضوع دا ؟؟ فلا لوم عليه لانه شخص شهوانى ، كلامى لا يبرر تصرفات الشباب المقيته وانما مجرد تفسير بسيط ليها .



 ما بقاش حد باقى على البلد كله عايز هو اللى ياكل الحته الاكبر من التورته ويبقى اعلى من اللى حوليه ، ونسينا ان الرزق مكتوب بس نسعاله بالحلال ودى حاجه تحرق الدم اكتر من الكلام اللى مكتوب فوق بس انا تعبت من كتر الكتابه فهخليها مره تانيه بقى :))