خازوق ونص !
تم بحمدالله الاستقرار على القسن اياه ، وبدأت تشوف شغل الدكاتره الفعلى ، اعدادى كانو بيهزروا معاك مش اكتر ، تشوف دكتور كل حاجه بيعملها فى حياته انه يقلب فى ال " SLIDES " وهو قاعد على الكرسى المتين - لتحمل مشروع العيد الكبير الله يشفيه ويرضى عليه - .
اما عن مثال تانى من الدكاتره ففى النوع النسائى المتشدد والمتعنت فى طريقه شرحها وكلامها ، بس للحق لو ما عملتش كدا هتتاكل وسط الدفعات دى ، ااه هى عندها قدره على الكلام وسرعه لسانها تكاد تقترب من 50 كلمه/ثانيه ، اظن لو حد عنده واسطه لستت دى تعمل البوم راب هتكسر الدنيا بصوتها وسرعتها صدقوونى !!!
وفيه النسخه الاجنبى من الدكاتره ( ما نقلدش الغرب فى دى ليه يعنى !! ) ويا سيدى عينك ما تشوف الا النور ، المنهج من المرجع !!!! ، والمحاضرات SLIDES من كليه فى تركيا !!
فلنتفق على ان الشغل دا هو الصح فى الدراسه والتطبيق فى الامتحان غلط ، يعنى لما ابقى منتبرمج على ملزمه وتنقلنى لمرجع اكيد هعيط من النظام بس نقول انه فى صالحى ، لكن لسه هتخلى ام الامتحان خرق حجاب العقل ، وحفظ بهيمى ، والدنيا ثابته !!
وعند المثال الاخير احب اتوقف معاكم ، شخصيه كل ما يتقال الاسم تسمع مؤثرات صوتيه والقاب جهنميه ك " الجزار ، الخازوق ، الجاهل ، ...... الخ " ، مدة التدريس تقترب من الربع قرن !! ، واقل ما يقال عن الاسلوب والشرح انه لا يصلح ولا يصح ، طيب ليه ماحدش اتكلم ، ماحدش يقدر يا عم دا الامتحان كدا هيبقى صعب اوى ، نستحمل ونعدى :/
الفكره عندى فى حاجه واحده بس ان الكليه دى ما هى الا الدرب المؤدى الى طريق العمل الناجح ، لما ادخل المحاضره والدكتور بتاعى الى حد ما ملكة الشرح عنده ضعيفه ، ليه ما اطلبش تغيره !! ، ليه العقدة المكحله دى لسه فينا !! ، ماهو مفيش حد لما تشتغل هيقولك معلش اصل انت يا عينى دكتور فلان اللى شرحلك فنعدى الحته دى ، انت مسؤول عن ما تفعل يا بشمهندس !
انا عايز واحد زى الخازوق يطلع يقولى ما تتعلم بنفسك " SELF LEARNING " اقوله يا حيلتها انا واحد ما بيعرفش يعمل كدا ، ولو حتى قدرت اعمل ، ياعم انا من حقى يبقى ليا دكتور افهم منه وليس مفروضاً عليا !!
كفايه كدا عندى SHEET عايز يتسلم :@
آخر حاجه الخازوق ونص حد عرف يعنى ايه ؟ :D
اما عن مثال تانى من الدكاتره ففى النوع النسائى المتشدد والمتعنت فى طريقه شرحها وكلامها ، بس للحق لو ما عملتش كدا هتتاكل وسط الدفعات دى ، ااه هى عندها قدره على الكلام وسرعه لسانها تكاد تقترب من 50 كلمه/ثانيه ، اظن لو حد عنده واسطه لستت دى تعمل البوم راب هتكسر الدنيا بصوتها وسرعتها صدقوونى !!!
وفيه النسخه الاجنبى من الدكاتره ( ما نقلدش الغرب فى دى ليه يعنى !! ) ويا سيدى عينك ما تشوف الا النور ، المنهج من المرجع !!!! ، والمحاضرات SLIDES من كليه فى تركيا !!
فلنتفق على ان الشغل دا هو الصح فى الدراسه والتطبيق فى الامتحان غلط ، يعنى لما ابقى منتبرمج على ملزمه وتنقلنى لمرجع اكيد هعيط من النظام بس نقول انه فى صالحى ، لكن لسه هتخلى ام الامتحان خرق حجاب العقل ، وحفظ بهيمى ، والدنيا ثابته !!
وعند المثال الاخير احب اتوقف معاكم ، شخصيه كل ما يتقال الاسم تسمع مؤثرات صوتيه والقاب جهنميه ك " الجزار ، الخازوق ، الجاهل ، ...... الخ " ، مدة التدريس تقترب من الربع قرن !! ، واقل ما يقال عن الاسلوب والشرح انه لا يصلح ولا يصح ، طيب ليه ماحدش اتكلم ، ماحدش يقدر يا عم دا الامتحان كدا هيبقى صعب اوى ، نستحمل ونعدى :/
الفكره عندى فى حاجه واحده بس ان الكليه دى ما هى الا الدرب المؤدى الى طريق العمل الناجح ، لما ادخل المحاضره والدكتور بتاعى الى حد ما ملكة الشرح عنده ضعيفه ، ليه ما اطلبش تغيره !! ، ليه العقدة المكحله دى لسه فينا !! ، ماهو مفيش حد لما تشتغل هيقولك معلش اصل انت يا عينى دكتور فلان اللى شرحلك فنعدى الحته دى ، انت مسؤول عن ما تفعل يا بشمهندس !
انا عايز واحد زى الخازوق يطلع يقولى ما تتعلم بنفسك " SELF LEARNING " اقوله يا حيلتها انا واحد ما بيعرفش يعمل كدا ، ولو حتى قدرت اعمل ، ياعم انا من حقى يبقى ليا دكتور افهم منه وليس مفروضاً عليا !!
كفايه كدا عندى SHEET عايز يتسلم :@
آخر حاجه الخازوق ونص حد عرف يعنى ايه ؟ :D
تعليقات
إرسال تعليق