فكرتى :((

أنا شخص وفى جدا لأى حاجه حبها فى يوم من الأيام ، يعنى ممكن احب فكره ابقى عايزها تكبر وتبقى حاجه فى القمه على حساب صحتى ودراستى وفلوسى وكل حاجه ، بضحى من اجل ما أحب .

بفضل كل حاجه تخصنى من أجل ان تكبر تلك الصغيره وتبقى شئ كبير وكيان لا يستهان بيه ولما فكرتى تتقال فى الكليه او فى أى مكان يتعملها أى حساب .

فكرتى ليس معناها ان أنا من ابتكرها او حتى اشترك فى ابتكارها ، أنا طالما الفكره حبيتها واشتغلت فيها ليها وعلشانها تبقى بتاعتى انا وليا كامل الحق انى ادافع عنها قدام أياً كان مين اللى بيتكلم ، هى ولما نكون TEAM مع بعضينا كلنا بنعمل زى ما انا بعمل ، الفكره بتنموا وتكبر وتبقى كيان فعلياً

الحمدلله انا حبيت كتير اوى :))) ، والافكار اللى اشتغلت فيها كانت مبهجه اوى اوى اوى ولسه عندى روح المغامره والتحدى انى ادخل فى اى حاجه عجيبه مطرقعه ، انا بحب اقامر والعب لعبة القمار المحلله فى حياتنا ، من وجهة نظرى ما الحب الا قمار

الحب لعبه كسبان وخسران مع الفرق بقى ايه نوع حبك :D

" حبيتها اوى انا حبيتها ! مش قادر انسها ضحكتها !! " ، زى ما قال عبدالحليم ، الفكره دى ضحكتلى أكتر من مره وحبيتها اكتر واكتر ، قررت اشتغل عليها وانمى نفسى معاها ، حصل بس الحمدلله على التطورات الزمنيه اللى دفنت مجهودات ال TEAM كله ونسب الفضل الى شخصين او يزيد بقليل .

أنا لا ادعى البطوله لكن البكاء على الاطلال احياناُ بيكون مفيد . ولا أيه ؟ :D

آخر ما حابب اقوله لكل واحد زيى ناوى يبقى عنتر من قبيله عبس - على ما افتكر - لو صادفته فكره وصادفه معاها المشرفين ناس حلوه وناكره فضل نصيحه ما يكملش فى الموضوع دا لانه هيخسر جزء من قلبه ومن صحته لانه فقد حاجه حبها او هيفقدها عن قريب 

مش هطول فى الموضوع دا بس حبيت انعى وارسل برقية عزاء لفكره كانت ومازالت من الافكار اللى بحلم اشوفها كبيره .