شكى .. حكى .. بكى
على الرغم من كونى بكره الأطفال والعيال الصغيره كلها
لكن يبقى فيه جزء منى ناقم على الأهل اللى بتجبر عيال صغيره تشتغل وتجيب فلوس بدل ما تتعلم. الموقف دا بدأ يكون عندنا فى الكليه ، فيه ولد صغير سنه لا يتعدى ال 12 سنه وشغال فى الكليه عندنا فى كافتريا ميدو. على قد ما الولد دا بيكافح ومحروم من حاجات كتيره على قد ما أهله عالم لا تستحق الرزق ولا الخلفه ! . لو إنت غير قادر على ضمان عيشه هنيئه لإبنك فليه تخلف ؟ سنة الحياه تتجوز لكن سنة الحياه لم تتطلب إنك تخلف كنوع من الرفاهيه والفشخره بعزوتك بكم وعدد أبنائك!
الولد الصغير اللى بيجى يسألنا لو فيه مكوه ، بفكر أديله أى حاجه عندنا علشان يرجعلنا تانى وأديله فلوس زياده ليه،وبقوله دى بتاعتك إنت! وأخلى ماما تجيب من البونبونى وتديله ، أكيد الحاجات دى هتفرق جداً معاهم . على قد ما بيكون فيه نوع من الإستحقار لنفسى قد إيه أنا مرفه ومتدلع وبكاى شكاى على رفاهيات على قد ما بيكون فيه نظرة إجلال ليهم.
أفتكر مره لما كنا بنزل علشان نشتغل فى الcase study بتاعتنا فى COMET كان المطلوب إننا نعمل إعلان للزنوبه -ما علينا- كنا واقفين قدام dray clean والولد اللى شغال بيوصل المكوه إتأخر أو عمل حاجه غلط،صاحب المحل عنفه وضربه ضرب غير طبيعى ، وساعتها كان معايا صبور ونجيب أظن وباقى Gryffindor team بيحوشونى عن الراجل ، وساعتها عملت حاجه جديده ومريبه جداً على شخصى ، جريت للولد وسألته لو كان زعلان وإشتريت ليه Kit Kat علشان ما يتضايقش ولا يزعل! وكان نفسى أروح أهزق صاحب المحل بس العيال منعتنى من إنى أعمل كدا للأسف
على الهامش فيه ولد شغال فى كافتريا ميدو كان معايا فى المدرسه الإعدادى ، أنا مكسوف بشده أسأله وأتأكد رغم إنى عارف إنه مليون فى الميه إنه أكيد. حال الدُنيا غريب مريب!
فى بالى من يومين لما بصحى ماليش نفس أنزل للكليه ولا أحضر حاجه لإنها فى الواقع سد خانه زى ما بيقول العميد/أحمد كامل فى رواية غرفة العنايه المركزه-عز الدين شكرى ، كان بيتكلم عن شرطة المسطحات المائيه لما بتشيل ورد النيل وإنه عرف إن دا مجرد مجرد إنهم بيظهروا إنهم بيعملوا شغلهم. إقتنعت جداً إنى هفضل فى الخراء دا لمدة 3 سنين لمجرد إنى بشترى منظر قصاد الناس إنى خريج هندسة القاهره،فى الوقع أكره إنى أكون شخص بالمنظر والمراد دا لكن فى الواقع دا حال البلد دى ولا أملك القدره الماليه ولا الجرأه إنى أطلب تحويل مسارى من الهندسه العقيمه دى لأى مجال تانى . الحمدلله على نعمة الأهل المعاقيين فى التغيير أو التفكير فى حلول جذريه لأى شئ سوى الرضا بما هو موجود من غير تعديلات .
لكن يبقى فيه جزء منى ناقم على الأهل اللى بتجبر عيال صغيره تشتغل وتجيب فلوس بدل ما تتعلم. الموقف دا بدأ يكون عندنا فى الكليه ، فيه ولد صغير سنه لا يتعدى ال 12 سنه وشغال فى الكليه عندنا فى كافتريا ميدو. على قد ما الولد دا بيكافح ومحروم من حاجات كتيره على قد ما أهله عالم لا تستحق الرزق ولا الخلفه ! . لو إنت غير قادر على ضمان عيشه هنيئه لإبنك فليه تخلف ؟ سنة الحياه تتجوز لكن سنة الحياه لم تتطلب إنك تخلف كنوع من الرفاهيه والفشخره بعزوتك بكم وعدد أبنائك!
الولد الصغير اللى بيجى يسألنا لو فيه مكوه ، بفكر أديله أى حاجه عندنا علشان يرجعلنا تانى وأديله فلوس زياده ليه،وبقوله دى بتاعتك إنت! وأخلى ماما تجيب من البونبونى وتديله ، أكيد الحاجات دى هتفرق جداً معاهم . على قد ما بيكون فيه نوع من الإستحقار لنفسى قد إيه أنا مرفه ومتدلع وبكاى شكاى على رفاهيات على قد ما بيكون فيه نظرة إجلال ليهم.
أفتكر مره لما كنا بنزل علشان نشتغل فى الcase study بتاعتنا فى COMET كان المطلوب إننا نعمل إعلان للزنوبه -ما علينا- كنا واقفين قدام dray clean والولد اللى شغال بيوصل المكوه إتأخر أو عمل حاجه غلط،صاحب المحل عنفه وضربه ضرب غير طبيعى ، وساعتها كان معايا صبور ونجيب أظن وباقى Gryffindor team بيحوشونى عن الراجل ، وساعتها عملت حاجه جديده ومريبه جداً على شخصى ، جريت للولد وسألته لو كان زعلان وإشتريت ليه Kit Kat علشان ما يتضايقش ولا يزعل! وكان نفسى أروح أهزق صاحب المحل بس العيال منعتنى من إنى أعمل كدا للأسف
على الهامش فيه ولد شغال فى كافتريا ميدو كان معايا فى المدرسه الإعدادى ، أنا مكسوف بشده أسأله وأتأكد رغم إنى عارف إنه مليون فى الميه إنه أكيد. حال الدُنيا غريب مريب!
فى بالى من يومين لما بصحى ماليش نفس أنزل للكليه ولا أحضر حاجه لإنها فى الواقع سد خانه زى ما بيقول العميد/أحمد كامل فى رواية غرفة العنايه المركزه-عز الدين شكرى ، كان بيتكلم عن شرطة المسطحات المائيه لما بتشيل ورد النيل وإنه عرف إن دا مجرد مجرد إنهم بيظهروا إنهم بيعملوا شغلهم. إقتنعت جداً إنى هفضل فى الخراء دا لمدة 3 سنين لمجرد إنى بشترى منظر قصاد الناس إنى خريج هندسة القاهره،فى الوقع أكره إنى أكون شخص بالمنظر والمراد دا لكن فى الواقع دا حال البلد دى ولا أملك القدره الماليه ولا الجرأه إنى أطلب تحويل مسارى من الهندسه العقيمه دى لأى مجال تانى . الحمدلله على نعمة الأهل المعاقيين فى التغيير أو التفكير فى حلول جذريه لأى شئ سوى الرضا بما هو موجود من غير تعديلات .
تعليقات
إرسال تعليق