معتقل الأمراض النفسيه (قسم قوى كهربية وآلات )

-
وجب التنويه إن الكلام اللى جاى قد لا يكون مهم لمن هم خارج النطاق الهندسى وخصوصاً جامعة القاهرة , البوست يحكى مآساة طلبة قسمى لعن الله دكاترته من أمثال أ.ج (موضوع إختصار الإسم دا كان بيحصل فى صفحة الحوادث وخصوصاً لمن يقبض عليهم بتهم آداب أو مخدرات ، الشخص هنا هو متهم بتخريب وإحباط وفقع وقتل كل حاجه حلوة ممكن تشوفها حضرتك)




فى بداية الأمر حابب أبسط الأمور لحضرتك , قسم كهرباء أحد أتفه الأقسام فى المادة العلمية والتطور فيه إنقرض من السبعينات ، إلا بعض المجالات القليله جداً لكن إنتاج وتوليد الكهرباء والكلام الذى منه هو كلام منتهى التطور فى الأجزاء العامة منه ، بعض الأبحاث فى تطوير الكفاءه وهكذا. قسم صُنف إلى جانب طيران وإتصالات بسبب أنه قسم يتسم بصعوبة مميزة وفريدة من نوعها سيدى الطالب ، إحنا بنتكلم عن إنك داخل الإمتحان على كيف الدكتور ، ويفضل لو حضرتك معاك مخدة زيادة تعرف الدكتور بيتقلب على سريره إزاى وبيقلب الأحلام  كيف فى منامة ، الموضوع تطور لإنك لو فى يوم وقعت فى دفعة غير خنوعه ومنصاعه للأوامر ، او صاحبة لسان يحب الرغى والثرثرة مضطر إنك تتحمل كل العواقب اللى هتنزل عليك بسبب كونك منحوس بن القطة المحروقة.



الموضوع أصبح تار شخصى حالياً ، والمواقف بتزيد تناحة وبشاعة. لعنة الله على كل الخراء دا .






الواحد محتاج يعرف هل الدكتور النفسى فى دولنا المتقدمة دى ليه يصنف رفاهيه والكشف عنده بمبلغ خرافى بالشكل دا كله !! ليه الواحد ما بيتولدش بملايين المليارات علشان يقدر يعيش منفصل ومعتمد على نفسه من غير ما يكون مربوط مصيره بالتقطير الأصعب من تكرير النفط علشان يخرجوا منه البنزين !!

تعليقات

إرسال تعليق

المشاركات الشائعة من هذه المدونة

في رثاء عزيزةٍ

-
إليك، بعد الكثير من التفكير والكثير من التردد، سأرثيك، لست أعلم أو أدري لماذا ولكنهم يقولون أن فاقد الشئ هو أفضل شخص يعطيه، ولأنني لم أنلك، سأرثيك. كنت السند والونس الذي لم أعترف بوجوده لأحد، كنت دوماً تنتظرين عودتي، لا تملكين شكلاً أو هيئةً، أنت فقط هناك عندما أعود من مشوارٍ طويلٍ احتاج فيه لمن يحتضن كل الهم والتعب. سافتقد كثيراً الأفكار التي تأتيني حينما أتعثر في زحمةٍ أو عندما يكون الكون كله ضدي وأنت فقط هناك، تجلسين في هدوء وصمت. المخلص دائماً وأبداً، أنا.
قراءة المزيد

Mania -1

-
 للأسف معنديش كلمة عربي توصف اللي بمر به، في نفس الوقت معنديش الطاقة أفكر بالفصحى، بالعكس عندي أفكار وأصوات كثيرة وكلهم بيصرخوا في نفس الوقت وكلهم عايزين يخرجوا. كانت الدكتورة بتتكلم معايا في أني محتاج أكون صداقات نسائية جديدة لأني محتاج رفيقة درب لأن الوحدة دي بتزيد من حالتي سوءً، حالياً عرفت كذا شخص جديد وبقى في أشخاص ثابتة في يومي بشكل صحي، هل ناوي أعترف بكوني محتاج لحاجة زي كدا آه، أنا معترف.
قراءة المزيد

نعكشه

-
 الحقيقة في كل الأمور هي أصعب شئ في المواجهة، بتقدر بكل سهوله تهرب وبتقدر بكل سهوله تعلق المشكلة على شماعة غيرك ولكن في الحقيقة جزء من النضج أنك بتواجه وبتقعد فترة كبيرة بتحاول تتعافى من الفكرة والمواجهة، بيكون شئ مؤلم جداً أنك تكون ضحية نفسك، ضحية اختياراتك وضحية تصرفاتك. هل هنا نقدر نقول أننا ضحية نفسنا؟ أعتقد محتاجين نعمم المصطلح ونعمم فكرة أنك مهما حاولت ها توصل لمرحلة من المراحل حياتك كلها متعلقة على لحظة الإدراك اللي هاتعرف فيها أنك خربت حياتك والخراب اللي أنت في دلوقتي ما هو إلا نتيجة اختياراتك. ـــــــــــــــــــــــــــــ بتعدي الأيام وبتعدي اللحظات المملة السخيفة أبطأ من أي وقت، الملل والزهق حاجة من الحاجات اللي بتخليني مستاء جداً، الخروج من البيت لو مش لحاجة مشجعة بفقد الرغبة في أني أكمل المشوار خصوصاً لو العربية مش معايا، بكون اللي هو ما فاكس كل حاجة وياللا بينا نلف ونرجع. الأغاني بقيت مملة، الشغل ممل وجحيم. بمناسبة الجحيم، أخيراً خدت هدية يوم ميلادي من لُبنى، الكوميديا الإلهية، الأناشيد فشيخة والرحلة اللي بيمر بها لحد ما يوصل للجنة ممتعه، مشكلتي مع الهوامش اللي فيها كثير
قراءة المزيد