هذه المقالة خطيرة وبها قنبلة ومفخخة جداً

-
هذا الكلام غريب جداً للمتابعين ليا هنا ، والكلام دا بيتكتب على أنغام أغانى بهيجة فى نفسها, الرجاء تاخد بالك من اللى جاى عشان الموضوع خطير جداً.

أولاً بقيت متصالح جداً مع فكرة إنى بخرج من نطاق هقعد فى الكليه لمدة سنتين زيادة والموضوع هيكون 3 سنين ، الموضوع حقيقى مبقاش ليه أى معنى أو أى لازمة أتضايق ، خلاص مكتوب علينا نشقى ونفضل قاعدين تحت. الحمدلله. خلينا نبص للى معانا شوية واللى هوه شوية حاجات بسيطة شويه كدا ربنا بيهون علينا بيها بس محتاجين عدسة مكبرة فشيخة تظهر الحاجات دى.


ثانياً الأهل والصحاب ليهم تأثير كبير عليك ، أى جزء يأثر عليك بالسالب برجاء تفكس ليه بالمرة ، عادى جداً الموضوع مفروض ما يكونش شخصى خالص ولا محتاج حساسيات ، فرق سرعات وفرق اهتمامات. بس كدا مش شئ شخصى على الإطلاق ، ممكن يكون تغيرات جذرية فى نظام الحياة، بس يبقى فيه أساسات فى الناس دى لا يجوز بترها وقطعها كلياً .

ثالثاً بادئ ذى بدئ السقوط بقى موضوع عادى جداً ، وعارف إنى سردت الموضوع دا فى أولاً ، بس السقوط مش شرط يكون إنك كنت فاشل أو بتدلع ، أهالينا دا السبب الوحيد عندهم عادى جداً مابننكرش إن ليهم حق بس فى الواقع الحياة ليها عوامل كتير غير دول وخصوصاً فى حياة الطلبه مننا ، نشكر ربنا على كل حاجة، عادى لما تبقى إحتمالية إنك تزيد سنينك فى الكليه دى وتشوف دفعات اكتر بتتخرج وأنت لسه بتعافر تخلص ورقة بسيطه من شئون الطلبة وأونكل عمو الكيوت اللى مكسل يقوم من على الكرسى ويرد عليك عشان البيه مأنتخ. السقوط بيزود قوة تحملك للهراء اللى بنعيش فيه فى البلد عموماً مش بس الكلية. بالنسبالى السقوط كان رسم للوحة اللى لسه بتترسم والحكاية اللى هحكيها فى يوم من الأيام وانا مبسوط فشخ إنى سقطت فى الكليه دى واتعلمت حاجات كتيره جنب الكليه وبعيدة تماماً عن منال ومراد ما يخص الكليه بس بيساعدها بشكل غير مباشر، احتمال يكون سبب إنى ما أشتغلش باللى درسته أصلاً ربنا يعلم الجاى، خلاص مفيش منه لازمة نتضايق إنهم بيتخرجوا وأنت قاعد فى الكليه ماحدش هيبقالك فى الواقع غيرك والورقة دى ، شريف هانى من قريب كان بيتكلم عن إن على قد ما المنظومة فاشله وخربانه بس الطالب مطالب إنه يتعلم ويعلم نفسه بنفسه. دا حقيقى بس خيالى شويتين فى البلد دى.



وجب الذكر إن السقوط فى الكليه منه عامل مهم إنك شخص اتدلعت فى مرحلة من المراحل بس مش شرط يكون كلها ولا شرط يكون دا سبب فشلك ، بس أهالينا بتركز على النقطة فتحمل لو اتحطيت فى النقطة دى سخافة منظورهم الضيق وخوفهم الشنيع عليك أو على منظرهم وسط الناس وصحابهم لما يسألوهم الباشمهندس/ة عملوا إيه السنه اللى فاتت.


رابعاً الحياة فيها حاجات صغننه لازم تنبسط بيها وتحبها بتفاصيلها الصغيرة العبيطة الهبله ، إدى لكل حاجة حقها، احضنها وقت ما تكون محتاجه مش وقت ما تكون محتاجها بس ، كفايه تتكسف تقول للناس إنك فعلياً بتقدر وجودهم ، أنت آه طوبة بنت كلب بس وجود بعض الأفراد بيكون مهم ليك نوعاً ، ماحدش بيكون حلو بنسبة 100% كل شخص وليه عيوبه وكل شخص وليه العك والقرف بتاعه ، بس الموضوع بيكون إنك قادر وقابل دا من دا ومش قابل دا من دا.

خامساً حدد أولويات حياتك ، أنت كويس وبتأدى حلو لما بتكون مبسوط ،كفاية نوم وحاول تواجه الكوكب شوية عشان فعلياً هو ضعيف قصاد اللى بيحاول لحد آخر رمق مش بيدخل ينام عشان الكل يستفرد بيه ويجيله كوابيس وبيكون ساعتها دورك إنك تتحكم إن النهاية تكون بأقل الأوجاع والآلام.

سادساً أنت بقيت عظيم وبقيت تاخد الشكل الجسمى اللى بتسعى ليه بقالك كتير ، عارف إن العملية هتهد جزء من الحوار دا بس ما تقلقش هترجع بسرعه تانى والموضوع مش هيكون فيه تدخل جراحى والحياة هتكون لطيفة بشكل كبير الأجازة دى .

سابعاً أنت محتاج تحوش فلوس يا حيوان عشان فيه حاجة مهمه جداً جاية وأنت كدا بتلبس فى الحيطة. اللهم بلغت اللهم فأشهد.





ثامناً بطل كسوف لتانى مرة لو سمحت

تاسعاً رضوى على بالى بقالها فترة بس مش عايز اكلمها ولا قادر الحقيقة وآخر كام مرة شفتها فيها كانت مرهقة تماما وتعبانه ودا سبب أدعى إنى أكلمها وأرخم عليها كعادتى بس الموضوع معايا بيمشى بالعكس . المهم أيتها الراء لو مريتى من هنا " هاى ، أنت شخص حلو جداً *فشخ* ومن الأطياف المريحة جداً وبحبها جداً "

عاشراً دى للقطة ، خليكى كويسة حلوة زى ما أنت مش زى ما هو عايز. خليكم حلوين فى بعض كدا عشان الحياة هتسايركم فى وقت من الأوقات وهتنبسطوا بيها .


الواحد بعد العشر ، يا حيوانة والله ماكنت أقصد وخلينى أقولك فى السر كدا أننا بينا اكتر بكتير من جملة أتقالت فى الكلية يا قطران ، أبو شكلك عالمسا.




تعليقات

إرسال تعليق

المشاركات الشائعة من هذه المدونة

فقط، استمتع.

-
"لا تدري لعل الله يحدث بعد ذلك أمراً" من أكثر الأشياء عبثيه أنك لا تدري وماذا بعد، هل هناك فرج؟ هل ستسوء كل الأمور لتنهض من الركام من جديد؟ لا شئ أكيد، أنت فقط تستمر في العمل، في الكفاح، وتأمل أن كل شئ سينتهي أو "هناك احتمال آخر لتتويج مسعانا بغير الهزيمة، ما دمنا قررنا أننا لن نموت قبل أن نحاول أن نحيا" وإن غداً لناظره لقريب، لا حتمي، لا شئ يستمر، لا شئ سيدوم. هذا ينطبق على كل ما نخاف وكل ما نستمتع به من أشياء جميله. لماذا إذاً القلق؟ لماذا التفكير الزائد؟ لا شئ أكيد، ولكن العقل واحد من النعم والنقم التي لا تستطيع أن تتمالك كل ما يقوم به، بعض الأشياء تحدث دون درايه، والقليل الكثير الذي يمكنك أن تفعله أن تهدئ من روعك، أن تتذكر أن ما تريده/تخاف منه سيزول وستأتي الأيام لتثبت لك أن كل ما تفكر فيه يحتوي على كثير من المتغيرات التي لا سلطة لك عليها.
قراءة المزيد

الجنوبي - الإهداء

-
 من قراءة "وأنت السبب يابا" أدركت شيئاً لم أكن قد وضعت له أسماً، أنا أحب التواجد في وسط زحام من البشر، ولكني لا أريد منهم أن يطلبوا مني التفاعل معهم والرد عليهم. كانت هذه من صفات عم نجم، أنه يستيقظ صباحاً وفي حالةٍ نفسيه للكتابة، يفضل أن يبقى صامتاً دون توجيه الكلام إليه وانتظار الرد، أظن أن هذه من الصفات التي أمتلك ولا يقدرها أي فرد من المحيطين لي في المنزل. في جلستي الأخيرة طلبت مني طبيبتي أن أكتب لأنني لا أخرج ما يدور في حياتي إلا في الكتابة، وكان ردي عليها أنني أكتب حينما أقرأ، دون ذلك لا أجد الطاقة أو الرغبة للكتابة. وأثناء بحثي عن صفات مرضي النفسي، وجدت أنني قد أدخل في حالةٍ نفسيه، تجعلني شرهاً للقراءة وهذا ما حدث لي في فبراير، قرأت عدداً لا بأس به من الروايات ثم بعد ذلك نضبت رغبة القراءة، وكان لا بد من تحفيزي للعودة لها بشراء كتابٍ جديد، فقط عندما يحدث هذا، أحياناً استعيد رغبتي للقراءة مرة أخرى واستعارة بعض الكتب من الأصدقاء. زيارتي لبيت الصديقة لُبنى، أهدتني الجنوبي، وهي سيرة ذاتية لزوجة أمل دنقل، تعلم صديقتي كم أحب أمل، وكيف أن هذا الكتاب من الكتب التي كنت سأقتني، طل...
قراءة المزيد

الصمت كالسوس

-
الألم، هو أحد أكثر الأشياء المحفزة للكائنات الحية!. حينما نشعر بألم في جسدنا نحاول بطريقةٍ ما أن نخفف هذا الألم او أن نبحث عن اصل المشكلة ونعالجها، لكن ما أنا بصدده الآن ليس ألماً جسدياً، نعم إنه النوع الذي ﻻ تعلم من أين جاء، وﻻ كيف تتخلص منه، زائرٌ ثقيل الدم ﻻ يستحي أن يدمر كل ما يقف في طريقه لكي يستقر هو ويسيطر على جميع حواسك وتفقد القدره على الشعور بشئ سوى هو، الألم. يعتقد البعض ان كل شئٍ يمكن تداركه، أو على الأقل التخلص من ضرره، ولكن الألم النفسي ليس بهذه السهوله. لست بالمتخصص في الطب كي اسرد مدى صعوبة الأمر، ولكني أحد ضحاياه، استطيع أن اتحدث من الزاوية التي امتلك من الأمر وهي التجربه الفعليه. اعتقد أن اسوأ ما قد يمُر علىَّ في يومي هو عجزي عن التحدث عن ما امر به، سواءً كانت موجة حزن أو أحد نوبات الهلع المفاجئة الحدوث دون سابق إنذار. لا يعلم الكثير عن كيفية تحديد نوع الألم الذي يمرون به الآن، ولكني اصبحت إلى حدٍ ما ذا خبرة في مثل هذا الأمر، فحينما اتألم من جرح أحد العمليات دون حدوث أي حركه عنيفه اطمئن نفسي أن كل شئ على ما يرام، وألعن جسدي الذي ينوي أن يشن حرباً هوجاء ويعلن ...
قراءة المزيد