شرف المحاولة المهتوك

لكل الناس اللى ناوية تتفرج أو بتتفرج على Dexter التدوينة دى فيها حرق للموسم الثامن والخامس أظن ، لا تقرأه لو هتضايق لو حرقتلك الموسم ما قبل الأخير. ونصيحة المسلسل دا عظيم وكم المشاعر المرمية فى أصدأ صفيحة زباله كتير وعظيم ، خلينا نقول إنكم محتاجين تكونوا زيه كدا . بس فاكس قتل ، سيبولى الطلعه دى عشان دى كبيرة شوية عليكم.

حقيقةً الواحد محشور فى ركنه كدا بيحسها أصيلة عن كل الحاجات المحيطة بيه ، متقبلاه بكل حالاته وبجميع أوضاعه وأشكالة ومهما لف الزمان ودار ، هى عاوزه تفضل معاه كدا وتبقى كويسة معاه وتشده لتحت وتفضل تنخور فيه عشان بتحبه ، وعاوزاه يفضل معاها طول الوقت ، زى ما Dexter حب واحدة زيه Serial killer وسممته مرتين ودوخته بس هى فضلت بتحبه ، وفضلت عاوزه تبقى معاه ويكملوا حياتهم سوا ، هانا مش بس كانت الطرف اللى أفور لأ بالعكس هو كمان كان هيقتلها زى ما بيقتل كل الناس المتوافقة مع الكود بتاع هارى اللى طلع إنه الكود بتاع الدكتورة النفسية Vogel اللى كان هارى أبوه بالتبنى كان بيروح ليها عشان يشوف حل لحالة Dexter ، متخيلين كم الحشرة اللى Dexter and Hannah فيه؟ بس كان بينهم شئ عظيم ، معرفش هيقتلها ولا هيسيبها تعيش ولا هتموت منه على إيد حد. بس خلينا نقول إنها اكثر psychopath كان فيه كيمياء رهيبه وإنجذب ليها وكانت بتشده للهاوية أكثر بس صمم عليها.

وضعى الحالى إن الFluid دى المادة اللى محتاج فيها على الأقل جيد عشان يكون عندى أمل أعدى السنه ، معنديش مشكلة فى الموضوع دا ، بس ثقتى إنى هعمل كدا هى المشكلة ، عندى يقين تام بإنى مليش حق أحاول عشان كلنا عارفين النتيجة الحتمية للموضوع وإنى هسقط كدا كدا . بس فيه ضمير بيهتك عرض كل البرود والهدوء اللى حالل عليا وبيقولى حاول على الأقل وخليك مش سايب فرصة لحاجة تخليك تسقط ، اعمل كل اللى عليك واللى تقدر عليه حتى لو النهاردة آخر يوم للمذاكرة ، افتكر كلمة وجود لما قالت " أنت و *** لما بتتحطوا فى الموقف بترموا كل حاجة ، مش زى ندى ، لما بتحس بالخطر بتشد وبتركز إنها تخلص من المعاناة والقرف اللى أنحطت فيه " أى نعم كنت هشتم وجود عشان بتعمم بس البنت عندها حق بشكلٍ ما فى كلامها دا ، لما بتحط فى موقف إنى فى حلة الكبس ومطالب يا أستوى كويس يا أفضل لازق فى قعر الحلة وأتحرق بسيب نفسى ألزق تحت فى قعر الحلة وأتحرق عادى ، عارف إنى جلدى خفيف وكدا كدا هتحرق عشان دى حلة ضغط!!! ، بس ما علينا كفانا شرف المحاولة.

أى نعم شرف المحاولة مهتوك عرضه وخلاص يعنى بقى فيه جزء كبير مستسلم لواقع إن حمادة بالزنجبيل . بس خلينا نحاول نصون شرف المحاولة ونعمل كدا بأصلنا وعادى ربنا مبيظلمش حد وبيكرم. لازم أفتكر كويس إن الفترة اللى فاتت دى عملت فيا كتير وخسرتنى كتير ، بس المكاسب الصغيرة الجزئية غيرت فى محاور دوران حياتى لدرجة إنها بتدور حالياً فى مجال محدش كان ممكن يتخيل إنه ممكن يدور تانى هناك!.

People fake a lot of human interactions, but I feel like I fake them all, and I fake them very well. That's my burden, I guess.