182! ( HALF YEAR SWEETIE )

-
أما بعد

 الدُنيا صعبة و ثقيلة و عمرها ما بتكون سهلة أبداً لا على الغنى ولا على الفقير و بالعكس على الفقير بتكون أضعاف التعب و الهم و الغم. يمكن الغنى بيكون مرتاح و قادر يعافر و يكمل و يدوس على شوية الحواجز اللى بتطلع ليه و بتتحط فى طريقه و بتخليه قاعد مش عارف يلاقيها منين ولا منين بس هو مدرك تماماً إن مهما جارت عليه عنده من المخزون و الثراء ما يخليه مهما حصل ليه هيكون مسنود و قادر يكمل و يدوس و يعافر و يخلى كل حاجة حوليه جميلة من غير ما يكون مكتئب.
الفترة اللى فاتت دى كانت من فتراتى اللى حقيقى لو مُت دلوقتى هكون سعيد إنى عشت الكام شهر اللى فاتوا دول و معايا جمال و حلاوة و سند بالحلاوة دى. فى الواقع لسه مش هانقول نص سنة بالظبط ، هم أكثر بكثير و فيهم حاجات ما ينفعش تخرج بس هى محتاجة تتخيل إنها مهما عرفت و مهما سمعت منى عمرها ما هاتعرف كم الإمتنان و الحب اللى بيكون لكل الحاجات دى و ليها هى أكيد. يمكن مشكلتى الأبدية إنى شخص بحب الأشياء المادية و بحب كل حاجة فيها حاجة نقدر نروح بيها و نفتكر اليوم بالحاجة دى لو كانت صورة حتى. يوم الإمتحان أما لقيتها جاية ليا بس عشان تطمئن عليا و على صحتى اللى كانت بتنهار و بتفكرنى إنها جنبى و بتقولى حتى ولو عندى مشروع لدكتور إيهاب و مسحولة و مش نايمة كويس و الحر و الشمس برضك جنبك. يوم ما اكتئبت و لقيت مكالمة الساعة 2 الفجر بتقول ليا فيها ما تزعلش وما تضايقيش أنا أهوه موجودة لو مش هاتتضايق من وجودى جنبك.

الكينونة اللى مالهاش وصف و بتدخل عليك بأقل حاجة لما بتكون رايقة تخليك تبقى فى قمة السعادة و اللى لما تزعل تبقى زى العيال الصغيرة وما تقدرش تستحمل دقيقة من الزعل اللى هى بتبقى فيه مهما كان صغير أو كبير لازم تخليها تبقى مبسوطة و قاعدة مبسوطة.
البنت الحلوة أم ضحكة جنان حلوة، التشيز كيك. اللى بعد صبر سنين جت و عرفت قيمة الحاجة دى بعد ما عانيت و بقيت بتشوف كم التناقضات اللى حوليك. اللى ممكن تولع فيك بسبب إن حاجة حصلت مش بإيدك و تقولك ماليش دعوة أنا مالى، واللى تحب منك أقل حاجة عملتها وسط حاجات كثيرة جداً و تطير من الفرحة وتفضل شايلة ليك كل حاجة حلوة اتعملت بالتاريخ و ممكن بالتوقيت و تغلبك و تفكرك بحاجات أنت مش فاكرها ، و لا جت فى مرة قالتلك أنت إزاى مش فاكر الحاجة دى؟!! البنت الحلوة اللى عمرها ما نكدت و قفشت عشان هى غشامة و غباوة و خلاص و كل حاجة بتحصل ليها سبب بس محتاجة إنك تدعبس تعرف مالها و تفهم كل حاجة بتحصل عندها و فيها بتحصل إزاى وفين و تغوص و تفضل جنبها لحد ما تفهم كل اللى فيها.
روق: البنت الصغيرة أم لسان طويل وسنة يمين مشطوفة و جمال يكمُن فى حواجبها و إيدها الصغيرين. البنت اللى إيدها تتلف فى حرير من كثر ما هى بترسم و ألوانها فى لبسها و لوحها تحفة. اللى بتشوف الحلو من غير ما تقصد و تحبه و بعدين تخليك تحبه من حبها ليه. اللى خليتنى أكل شطة و بقيت ادمان، من خلانى بقيت بأكل كما البنات ( هو دا الصح بس الصح دا وسط صحابى الولاد حرفياً مش هالاقى حاجة أكلها) و لقمة لقمة و شوكة شوكة و حتة صغيرة و استنى لحد ما الأكل يتمضغ و ابلعه كله. يعنى الذل علشان معنديش ذقن و رفيع و معنديش اكتاف و إن نص جسمى اللى فوق أصغر من الطبيعى و رجلى طويل ( خلقة ربنا بس هى معترضة يا رب ، حاسبها بقى أنت على الكلام دا)... بحبك.
الغنى و الفقر اللى بتكلم عنه هو غنى الناس اللى فى مكتبتك الشخصية، شوية الحاجات الحلوة اللى بتطلع من اللى حوليك و اللى معاك بتكون جميلة و بتطبط عليك. أنت كنز يا شروق ، مهما حصل و مهما طال الوقت هاتفضلى الكنز اللى معرفش إزاى جالى كدا، و بحمد ربنا إنه جالى كدا من غير ما اخذ بالى إنه هايكون ليا و إنى اتغفلت بيكى. عمرى ما كنت ممتن بالشكل دا لحد ، يمكن ممتن لكثير بس أنت ليكى شق كبير جداً و لو ما كنتش بحبك كنت هاحبك غصب عنى لإنك ما ينفعش ما تتحبيش الحقيقة أنت لو حد عدى من جنبك و عرفك و شاف جزء من حلاوتك الموضوع بيقلب إنه يحبك لإن أنت مغناطيس قوى الأقطاب و يشد أى حاجة ليه حتى لو كانت طوب أو خشب.

المخلص دائماً و أبداً
أنا
تمت,



تعليقات

إرسال تعليق

المشاركات الشائعة من هذه المدونة

فقط، استمتع.

-
"لا تدري لعل الله يحدث بعد ذلك أمراً" من أكثر الأشياء عبثيه أنك لا تدري وماذا بعد، هل هناك فرج؟ هل ستسوء كل الأمور لتنهض من الركام من جديد؟ لا شئ أكيد، أنت فقط تستمر في العمل، في الكفاح، وتأمل أن كل شئ سينتهي أو "هناك احتمال آخر لتتويج مسعانا بغير الهزيمة، ما دمنا قررنا أننا لن نموت قبل أن نحاول أن نحيا" وإن غداً لناظره لقريب، لا حتمي، لا شئ يستمر، لا شئ سيدوم. هذا ينطبق على كل ما نخاف وكل ما نستمتع به من أشياء جميله. لماذا إذاً القلق؟ لماذا التفكير الزائد؟ لا شئ أكيد، ولكن العقل واحد من النعم والنقم التي لا تستطيع أن تتمالك كل ما يقوم به، بعض الأشياء تحدث دون درايه، والقليل الكثير الذي يمكنك أن تفعله أن تهدئ من روعك، أن تتذكر أن ما تريده/تخاف منه سيزول وستأتي الأيام لتثبت لك أن كل ما تفكر فيه يحتوي على كثير من المتغيرات التي لا سلطة لك عليها.
قراءة المزيد

الجنوبي - الإهداء

-
 من قراءة "وأنت السبب يابا" أدركت شيئاً لم أكن قد وضعت له أسماً، أنا أحب التواجد في وسط زحام من البشر، ولكني لا أريد منهم أن يطلبوا مني التفاعل معهم والرد عليهم. كانت هذه من صفات عم نجم، أنه يستيقظ صباحاً وفي حالةٍ نفسيه للكتابة، يفضل أن يبقى صامتاً دون توجيه الكلام إليه وانتظار الرد، أظن أن هذه من الصفات التي أمتلك ولا يقدرها أي فرد من المحيطين لي في المنزل. في جلستي الأخيرة طلبت مني طبيبتي أن أكتب لأنني لا أخرج ما يدور في حياتي إلا في الكتابة، وكان ردي عليها أنني أكتب حينما أقرأ، دون ذلك لا أجد الطاقة أو الرغبة للكتابة. وأثناء بحثي عن صفات مرضي النفسي، وجدت أنني قد أدخل في حالةٍ نفسيه، تجعلني شرهاً للقراءة وهذا ما حدث لي في فبراير، قرأت عدداً لا بأس به من الروايات ثم بعد ذلك نضبت رغبة القراءة، وكان لا بد من تحفيزي للعودة لها بشراء كتابٍ جديد، فقط عندما يحدث هذا، أحياناً استعيد رغبتي للقراءة مرة أخرى واستعارة بعض الكتب من الأصدقاء. زيارتي لبيت الصديقة لُبنى، أهدتني الجنوبي، وهي سيرة ذاتية لزوجة أمل دنقل، تعلم صديقتي كم أحب أمل، وكيف أن هذا الكتاب من الكتب التي كنت سأقتني، طل...
قراءة المزيد

الصمت كالسوس

-
الألم، هو أحد أكثر الأشياء المحفزة للكائنات الحية!. حينما نشعر بألم في جسدنا نحاول بطريقةٍ ما أن نخفف هذا الألم او أن نبحث عن اصل المشكلة ونعالجها، لكن ما أنا بصدده الآن ليس ألماً جسدياً، نعم إنه النوع الذي ﻻ تعلم من أين جاء، وﻻ كيف تتخلص منه، زائرٌ ثقيل الدم ﻻ يستحي أن يدمر كل ما يقف في طريقه لكي يستقر هو ويسيطر على جميع حواسك وتفقد القدره على الشعور بشئ سوى هو، الألم. يعتقد البعض ان كل شئٍ يمكن تداركه، أو على الأقل التخلص من ضرره، ولكن الألم النفسي ليس بهذه السهوله. لست بالمتخصص في الطب كي اسرد مدى صعوبة الأمر، ولكني أحد ضحاياه، استطيع أن اتحدث من الزاوية التي امتلك من الأمر وهي التجربه الفعليه. اعتقد أن اسوأ ما قد يمُر علىَّ في يومي هو عجزي عن التحدث عن ما امر به، سواءً كانت موجة حزن أو أحد نوبات الهلع المفاجئة الحدوث دون سابق إنذار. لا يعلم الكثير عن كيفية تحديد نوع الألم الذي يمرون به الآن، ولكني اصبحت إلى حدٍ ما ذا خبرة في مثل هذا الأمر، فحينما اتألم من جرح أحد العمليات دون حدوث أي حركه عنيفه اطمئن نفسي أن كل شئ على ما يرام، وألعن جسدي الذي ينوي أن يشن حرباً هوجاء ويعلن ...
قراءة المزيد