4 كم فى 18 دقيقة

عمر ما نفسيتى بعد ممارسة رياضة صممت على حاجة فيها و نفذتها إلا و كانت حلوة جداً و تحفة و برجع حاسس بإنى فيا حاجة جديدة و حلوة.

بكتب انهاردة من بعد جرية الزمالك و كانت 4 كم اخدتها فى 23 دقيقة ( دى أول جرية ليا بعد انقطاع كبير جداً و الرقم بتاعى كان 5 كم فى 18 دقيقة ) الحمد لله ، و ما وقفتش ولا لحظة و كملت الجرية كلها و فضلت بقول لنفسى أنت تقدر تخلص الجرية دى صحتك كويسة و سيبك من كل الأوجاع اللى فيك و اخدت آخر 200 متر جرى حرفياً و كنت هاشوط الناس بسبب سرعتى أول ما وصلت لخط النهاية حسيت براحة نفسية حلوة جداً و سعادة لا توصف بإنى فضلت وراء نفسى و قاومت كل احاسيسى بإنى أكون علق و ما اكملش السباق و خلاص كفاية أنت مش نايم من امبارح و كنت فى الجيم و مشيت مع حبيبة فى الزمالك كثير خلاص ريح الحبة دول. 

حاجة كمان حصلت بعد الجرية شفت أخيراً تينا و ميرنا نبيل ، حقيقى الناس دى جوها كان واحشنى فشخ ، تينا خصوصاً كانت واحشانى و لأسباب لا داعى لذكرها كنت بتحاشى اقول دا و بتجنب أشوف تينا عشان ما يحصلش أى حاجة يعنى.

المهم تينا أنا آخر مرة شوفتها كانت يوم 29/2 و اتفقت اننا نتقابل فى نفس التاريخ دا و هى وافقت مكانتش مجمعه إنه هايجى بعد أربع سنين المغفلة، المهم انهاردة شفت تينا و حقيقى مبسوط فشخ بحاجة زى كدا عشان تينا من الناس الحلوة اللى علاقتنا سطحية جداً بس فيها كم من المحبة و المعزة كبير جداً و من الناس اللى من بعد ما خسرت الشخصية اللى معرفانى عليها لسه صحاب و لسه حلوين مع بعض محدش فينا بعد عن الثانى الحمد لله.

ميرنا شخص وضيع ما شُفتهاش من سنة و خمستاشر يوم و 12 ساعة لحد ما شفتها ، اللى هو أنت حيوانة جداً ، بس الحقيقة كانت وحشانى و لسه مصمم إنها إليسا فى نفسها و تصرفاتها و كل حاجة يعنى :'D 


المهم أنا حقيقى مبسوط بإنى كملت الجرية الحمد لله ، مبسوط إن تينا قالتلى إن فارق معايا الجيم و جسمى فرد و فيه شكل لعضلات ، حقيقى الموضوع دا بسطنى فشخ إن فيه حد بيعلق على الموضوع دا من غير ما اتكلم كثير عن نشاطى اليومى و اخذ باله. يخليها لينا اللى مشجعانى و ربنا :")

تعليقات

المشاركات الشائعة من هذه المدونة

في رثاء عزيزةٍ

Mania -1

نعكشه