عيش زى ما أعوز أنا، أنت ولا حاجة .. أنت ولا حاجة
النهاردة اليوم الخامس على التوالى اللى كل يوم قبل ما أنام افكر How much I am missing someone to be there for me, not just sharing, to be there by all means. وجع القلب اللى كل يوم بحاول اتخطاه لوحدى بدون مبرر ليه الألم بيكون فى أشده وأنا داخل أنام، أنى بقيت متصالح مع تعبى والوجع اللى عندى لأنه مالوش حل يمنعه، وبالتالى تقبله أفضل من الممانعة والترفيص زى العيال الصغيرة أنى عاوز الوجع يروح دلوقتى حالاً وأنى آخد نفسى بسهولة.
بقيت مفتقد ارغى بالساعات مع أى حد ونقعد نرغى فى أى حاجة وكل حاجة، بقيت بقول الجملة وبتكون مختصرة زى اجابة امتحان الجغرافيا، مينفعش أكتب كلام غلط بس فى نفس الوقت محتاج اجاوب الأسئلة بدل ما يتقال أنى بهرب ومش عاوز اتكلم وبهرب. النزول من البيت بقى ثقيل على قلبى وعلى حساسية الأنف اللى عندى، وبقيت بنزل من البيت بالمسكن والدوا، ومؤخراً دوا يساعد المعدة على الهضم بدل ما هى طالع عينها بسبب الشهية الجديدة.
كوباية القهوة هى أحلى حاجة فى حياتى، هى الحاجة اللى من بعدها يبدأ اليوم، وكل حاجة قبل كوباية القهوة مجرد كراكيب هاتتوضب بعد ما القهوة تتعمل وتتشرب.
فيه نوع من الألم الجديد، نظرة الاستياء وانك تحس بالذنب لأنى مبكلمكش لأنك ما بتعملش اللى على مزاجى وبالتالى مفيش عربية ومفيش أى رفاهية كنت هاعملها، لأن أى حاجة هاعملها لكم لازم قصادها أنكم تحققوا الأحلام والمتطلبات اللى أنا معرفتش اعملها، وعاوزاكم تكونوا بينكم وبين بعض أحسن ما أنا بينى وبين أخواتى، وتتخرجوا من هندسة عشان تبقوا مهندسين قد الدنيا ومفيش حاجة فى الدنيا أحسن من المهندسين غير الدكاترة بس، والجنة هاتدخلوها من خرم هندسة، وبناءً عليه شكلك كمهندس لازم وفرض يكون زى ما أنا متخيلاه ومينفش شعرك الطويل دا وإيه اللى أنت عاملة دا؟ " روح يا شيخ ربنا يكرهك في شعرك دا".
كل يوم قبل النوم بكون محتاج أنى ابطل تفكير، اوقف كل حاجة، أن مجرد طبطبة بسيطة بدون كلام تهدئ الاعصار العجيب اللى بيحصل جوايا.
نقطة أخيرة، أن أى شخص بيكون فيه بينه وبين الطرف الثانى علاقة من نوع صلة رحم صداقة حب أو غيره، بتكون العلاقة دى ناجحة أو فاشلة بمجهود الأثنين، مفيش شخص بيتحمل مسؤولية الفشل/النجاح كله لشخص وحيد، الأثنين لهم يد في اللى هايحصل.
اتمنى علاقتى بنفسي تتحسن، واحقق خطوة الانفصال، واستقل بذاتى واقدر استمر فى السعى.
بقيت مفتقد ارغى بالساعات مع أى حد ونقعد نرغى فى أى حاجة وكل حاجة، بقيت بقول الجملة وبتكون مختصرة زى اجابة امتحان الجغرافيا، مينفعش أكتب كلام غلط بس فى نفس الوقت محتاج اجاوب الأسئلة بدل ما يتقال أنى بهرب ومش عاوز اتكلم وبهرب. النزول من البيت بقى ثقيل على قلبى وعلى حساسية الأنف اللى عندى، وبقيت بنزل من البيت بالمسكن والدوا، ومؤخراً دوا يساعد المعدة على الهضم بدل ما هى طالع عينها بسبب الشهية الجديدة.
كوباية القهوة هى أحلى حاجة فى حياتى، هى الحاجة اللى من بعدها يبدأ اليوم، وكل حاجة قبل كوباية القهوة مجرد كراكيب هاتتوضب بعد ما القهوة تتعمل وتتشرب.
فيه نوع من الألم الجديد، نظرة الاستياء وانك تحس بالذنب لأنى مبكلمكش لأنك ما بتعملش اللى على مزاجى وبالتالى مفيش عربية ومفيش أى رفاهية كنت هاعملها، لأن أى حاجة هاعملها لكم لازم قصادها أنكم تحققوا الأحلام والمتطلبات اللى أنا معرفتش اعملها، وعاوزاكم تكونوا بينكم وبين بعض أحسن ما أنا بينى وبين أخواتى، وتتخرجوا من هندسة عشان تبقوا مهندسين قد الدنيا ومفيش حاجة فى الدنيا أحسن من المهندسين غير الدكاترة بس، والجنة هاتدخلوها من خرم هندسة، وبناءً عليه شكلك كمهندس لازم وفرض يكون زى ما أنا متخيلاه ومينفش شعرك الطويل دا وإيه اللى أنت عاملة دا؟ " روح يا شيخ ربنا يكرهك في شعرك دا".
كل يوم قبل النوم بكون محتاج أنى ابطل تفكير، اوقف كل حاجة، أن مجرد طبطبة بسيطة بدون كلام تهدئ الاعصار العجيب اللى بيحصل جوايا.
نقطة أخيرة، أن أى شخص بيكون فيه بينه وبين الطرف الثانى علاقة من نوع صلة رحم صداقة حب أو غيره، بتكون العلاقة دى ناجحة أو فاشلة بمجهود الأثنين، مفيش شخص بيتحمل مسؤولية الفشل/النجاح كله لشخص وحيد، الأثنين لهم يد في اللى هايحصل.
اتمنى علاقتى بنفسي تتحسن، واحقق خطوة الانفصال، واستقل بذاتى واقدر استمر فى السعى.
تعليقات
إرسال تعليق