من كم يوم قعدت مع صديقة ليا كنت أذيتها بطريقتي في الكلام وخليتها تبعد ووجودها يختفي تماماً وجت السيرة في الكلام واعترفت لها أني عملت كدا عن عمد لأني في وقتها مكنتش قادر اتعامل مع وجودها أو وجود أي أصدقاء في حياتي الفترة دي، هي تقبلت اعتذاري - كان شئ صادم بالنسبة ليا الحقيقة-.

عمري ما كنت مقتنع بإن دا شئ طبيعي، وأوقات أما الأصوات بتهدأ شوية بكتشف أني معنديش دم ولا قلب وأما بكون في الحالة دي محتاج اتجنب اتكلم! - على الرغم من أن النهاردة لسه حالاً رازع حد كان مضايقني في وشها بس حاولت أني ألم نفسي ومبقاش عنيف!، وأتمنى اكمل كدا عشان اليوم هايكون فيه بني آدمين كثير للأسف-. 


تعليقات

المشاركات الشائعة من هذه المدونة

في رثاء عزيزةٍ

كحبات الندى

Mania -1