لا تبالغ
20/08/2019
انهاردة صحيت من النوم بدري وأخيراً، صحيت قبل المنبه بنص ساعه كما هو الطبيعي بتاعي، فطرت وقلت تمام كدا، البس وانزل عشان الحق نفسي قبل ما العلق يصحى ويقولي طب اخطف ساعتين نوم كمان أنت نمت 5 ساعات بس، لحقت نفسي ونزلت وكنت متأكد أني ها اقضي وقت محترم عشان اركن العربية وقد كان، قعدت 48 دقيقة بدور على ركنه وفي الآخر ركنتها عند فوكس. بعدين عديت على ألاء حيث أني في الزمالك واسلم عليها بالمره، بعدين وأنا بتمشى قررت اغير النهارده واقعد في كوستا ( رغم أني بكره كوستا بسبب البُن المحروق اللي بيستخدم وأنك بتبقى قاعد تحت رحمة الباريستا ومزاجه) بس قعدت وقررت كمان اكسر علوقية عدم مذاكرة داتا بيز وقربت اخلص الفيديو.
انهاردة صحيت من النوم بدري وأخيراً، صحيت قبل المنبه بنص ساعه كما هو الطبيعي بتاعي، فطرت وقلت تمام كدا، البس وانزل عشان الحق نفسي قبل ما العلق يصحى ويقولي طب اخطف ساعتين نوم كمان أنت نمت 5 ساعات بس، لحقت نفسي ونزلت وكنت متأكد أني ها اقضي وقت محترم عشان اركن العربية وقد كان، قعدت 48 دقيقة بدور على ركنه وفي الآخر ركنتها عند فوكس. بعدين عديت على ألاء حيث أني في الزمالك واسلم عليها بالمره، بعدين وأنا بتمشى قررت اغير النهارده واقعد في كوستا ( رغم أني بكره كوستا بسبب البُن المحروق اللي بيستخدم وأنك بتبقى قاعد تحت رحمة الباريستا ومزاجه) بس قعدت وقررت كمان اكسر علوقية عدم مذاكرة داتا بيز وقربت اخلص الفيديو.
المهم أني بفكر بشكل كبير ومشتت عن الحاجه الأساسيه اللي محتاج اعملها، وهي تظبيط دورة حياتي اليوميه وادرج فيها كثير من الصحيان بالنهار وكثير من المذاكره. وقد كان انهارده وبكرر الموضوع دا عشان أنا بحمس نفسي اعمل دا ثاني وثالث ويكون دا نظام حياتي لمدة سنه جايه. التشتت الفترة دي للأسف في علاقتي بالمحيطين بيا والتشكيك في سبب وجودهم وهل فيه أي نوع من العاطفه بينشأ وﻻ دي تهيؤات عندي وأني بارانويا وبتهيأ لي الحاجات دي، للأسف كنت في بعض الأحيان بظلم ناس بالتصورات المبالغ فيها دي ولكن في كثير من المواقف بتكون شكوكي في محلها.
22/8/2019
انهارده ماما بتكمل 60 سنه وللأسف مقدرش اقول أني حاسس بأي حاجه تجاه الأمر دا، ويمكن أني احس بحاجه أو افكر ليه معنديش احساس تجاه شئ دي حاجه ناتجه عن كوني عرفت أن فيه نظريه بتقول أن العقل عباره عن عقل منطقي وعقل عاطفي، والمزج بين العقلين دول بيولد العقل الحكيم، والعقل الحكيم هو العقل اللي بيكون قادر يوازن بين أمور الحياه في الماغلب وبيقدر أنه يحسب الأمور بشكل وسطي - مع اعتراضي على كلمة وسطي-.
يمكن من الحاجات اللي مبقدرش استوعبها هو مواصلتي لمحاولة أني اهرب من كل الأمور اللي عليا مواجهتها، واتقاني للهروب دا مهما كانت الظروف ومهما كنت مضطر أني اواجه. الأمر اشبه بأنك تزنق فأر في ركن فا تلاقيه يعمل فيها سوبرفأر ويحفر حفره ويعدي من الموقف بكل سلاسه، في حين أنه لو فكر يعمل حاجه تجاه الشئ اللي زانقه ممكن الأمر يعدي بشكل الطف من دا بكثير! بس نقول إيه فأر علق.
22/8/2019
انهارده ماما بتكمل 60 سنه وللأسف مقدرش اقول أني حاسس بأي حاجه تجاه الأمر دا، ويمكن أني احس بحاجه أو افكر ليه معنديش احساس تجاه شئ دي حاجه ناتجه عن كوني عرفت أن فيه نظريه بتقول أن العقل عباره عن عقل منطقي وعقل عاطفي، والمزج بين العقلين دول بيولد العقل الحكيم، والعقل الحكيم هو العقل اللي بيكون قادر يوازن بين أمور الحياه في الماغلب وبيقدر أنه يحسب الأمور بشكل وسطي - مع اعتراضي على كلمة وسطي-.
يمكن من الحاجات اللي مبقدرش استوعبها هو مواصلتي لمحاولة أني اهرب من كل الأمور اللي عليا مواجهتها، واتقاني للهروب دا مهما كانت الظروف ومهما كنت مضطر أني اواجه. الأمر اشبه بأنك تزنق فأر في ركن فا تلاقيه يعمل فيها سوبرفأر ويحفر حفره ويعدي من الموقف بكل سلاسه، في حين أنه لو فكر يعمل حاجه تجاه الشئ اللي زانقه ممكن الأمر يعدي بشكل الطف من دا بكثير! بس نقول إيه فأر علق.
تعليقات
إرسال تعليق