An odd thoughts about relationships
العلاقات الآتى ذكرها متنوعه ومختلفه .. برجاء توسيع بالك وتقبل كل ما هو مختلف أو شاذ عما تربيت أو نشأت عليه أو حتى تؤمن به.
فى بداية المشوار نتكلم بكل بساطه عن العلاقات بين جنس وبعضه من الصغر حتى مرحلة الدفن .
الأولاد : من وهو صغير ونظرية المقارنه ملتصقه به كما البرغوث وكما علاقة سمك القرش بأثر الدم،مفيش تصرف أو رد فعل غير وتُقارن سواء بالخير أو بالشر .ودا بيؤدى إلى ظهور علامات حقد وحسد أو غرور وتكبر . والمدرسه أكبر مرتع لمثل هذه العاده القميئه " ليه تجيب 93/100 فى العربى ؟ حسنين أحسن منك فى إيه ها ؟ دا أنا بعمل كذا وكذا وبذاكرلك وبلا بلا بلا بلا " وهنا المُلام يبدأ يكره حسنين والظروف والجو الفاضى على درجتين فرق ولا حاجه . وندخل على الإعداديه يالا يا حبيبى هات مجموع وإرفع رأسنا وسط عمامك وما تخليش بن خالتك وبن الجيران يجيبوا مجموع أحسن منك . وكل ما سبق ولا حاجه جنب الثانويه العامه وما تمشيش مع دا علشان شكله فاشل وإلزق فى صاحبك دا علشان شكله شاطر إسمع منه وما تديش لحد حاجه وخليك أنصح منهم .
البنات : من شد الشعر وظبط الكسرات فى البلوزه والفستان ، والمُعايره بحلاوة وعفشاة البنات الصغيره. وصولاً لنقط كتيره للنفساويات والسواد اللى موجود داخل كل أنثى وبتقوم بتحفيزه بعض الكلمات والهمسات واللمزات . ( لا داعى للخوض فى شئون حواء وفصيلتها نحن فى غنى عن صداعهم )
لو جينا وخلطنا العلاقات وأخدنا الإنترسيكش وقلنا علاقة الجنسين ببعضهم ، وخلينا محددين أكتر ونتكلم عن النوع من العلاقه المتطور لحبسة بين وربط بخاتم! .. فى الدول الشرقيه وخصوصاً المحروسه مصر .. مفيش أوبشن إنك تدخل فى كذا علاقه وتتعلم من كل واحده فيهم with out hard feelings بالعكس الموضوع بيدخل فى دوامات وصراعات بتؤدى إلى إنك تقفل من الموضوع خالص وتكون واحد من كذا نموذج اولهم المُعقد والزاهد وآخرهم العربيد السنكيح المتلاعب .
مثلاً ليه ما ناخدش الموضوع دا على محمل الجد ونطبقه ، ندخل فى علاقه سوا ونتفق من الأول إننا مع الإختلاف أو معرفة إن العلاقه دى لن تؤدى لراحه نفترق من غير دراما ولا أكشن وعادى نكون زى ما كُنا فى الأول . أو حتى نفترق بشكل شيك ومتحضر. نتعلم من العلاقات ونتكلم عنها فى قعدات مطوله ، مش كل حاجه تحصل بينا نهملها ونعديها ، نتفق إننا لو إتخانقنا الموضوع يتحل بحاجه خارجه عن نطاق الزعيق والشخيط وتشغيل وصلة الردح وكتاب حياتى يا عينى وخلافه من المسرود فى سجلاتنا كعرب ومصريين ، نلعب مصارعه تثبيت ماتش بلاى ستيشن ، ومش لازم كل مره حد معين يكسب نفوت لبعض والخسران يعتذر . أو مجرد حضن يخلص كل اللى حصل دا ، ولو غلطه جسيمه وكبيره الموضوع يناقش كما العاقلين (اللهم لو الولد هو الطرف المُخطئ لازم يستحمل ساعه ونص من الهيجان والجنان والزعيق والعبط وبعدين آسف وهتلاقيها خلصت الحوار بكل سلاسه).
نتعامل مع كل علاقه على أساس إنها تجربه جديده مالهاش علاقه باللى فاتت واللى قبليها من علاقات ، وما نسميهوش إرتباط علشان الإرتباط بيُلزمك بمسؤوليات وإحنا كصنف بنى آدمين بنتهرب من المسؤوليه (وفى الثقافه الشرقيه العربيه الرجال متهربين من المسؤوليات ومتحايلين عليها فى حين إن النسبه تكاد تكون متساويه بين الرجال والنساء فى التهرب لكن الميكروسكوب مُسلط على من أكثر ليس إلا ) ، كل مره نتعامل كإحنا وما نخبيش حاجه ، نقول الصراحه وما نجاملش بعض ، نمشى سوا ننزل نجرى مع بعض ، ونصحى نتريق على منظرنا المنكوش وصوتنا المتشلفط. مش مهم إن الكلام رومانسى وكلام خيالى بس علشان القولبه المحطوطين فيها بتخلينا نقول إن دى حاجات مستحيله فى حين إنها أقل حاجه ممكن تتعمل بين إثنين مفروض هيتقفل عليهم شقه وهيناموا جنب بعض ولا قدر الله ممكن يجيبوا كائنات لهذا الكوكب البائس تحارب بؤسه وتحسنه . نصحى من النوم ونلاقى ورده بتقول " ولما صحيت على حبك .. وشفت الدُنيا من عندك .. أتمنى لو كل العشاق يحبوا زى ما أنا بحبك " .
وبكدا هنوفر فلوس كتيره .. أولها شركات المناديل الورقيه مش هتكسب فى وقت الفلانتين أطنان من الفلوس .. المحلات اللى بتقلب أحمر هتقل (وهفرح فى الدباديب اللى هتترب من الركنه على الرفوف).
فكرة إنى اكتب الكلام دا فى الوقت دا فكره مريبه غير مريحه ليا شخصياً بس لما جيت فكرت فيا ممكن أعمل إيه فى ظروف الحياه القاسيه دى لقيت إنى صعب يحصل معايا الدراما دى تانى! . الواحد مفروض يكون عنده روح رياضيه ويتعلم ويدخل فى تجارب كتيره من غير ما يحصل أى أذى لأى طرف من أطراف المعادله . بس إكتشف إن تحقيق المعادله اللى بيطلبها دى فى مجتمعه دا يمكن العنقاء تكون موجوده قبل ما يقدر هو يحققها..وأكيد المواصفات اللى نفسه فيها. الموضوع ليس بتناكه بس تخيلوا كدا معايا ، واحد بيصحى من النوم مكشر لو قعد فى وش واحده كشريه او تعصبه او ما يحصى ممكن يعمل فيها إيه بعد مرور إسبوع فى خلقته ؟
ونتفق إن الجواز دا ما هو إلا ورقه معفنه مالهاش لازمه زى ما كل الناس مدياها أكبر من حجمها .. المهم الجثتين اللى هيقعدوا فى وش بعض يكونوا متفقين فعلاً إنهم فى السراء والضراء فى الصحه والمرض فى الفرحه والحزن هيتقبلوا بعض وهيكموا المشوار مع بعض والطرفين هيتحموا المسؤوليه مناصفةً ، هيعيشوا حياتهم بكل سلاسه من غير تعقيد ومناقصات ومزايدات ومقارنات ، ماحدش ليه سلطه ولا دخل فى اللى بينا وماحدش هيعرف عننا حاجه و what happens between us stays between us ، هنقدر بعض ونحترم إختلافاتنا بمرور الزمن والسن .
علشان نوصل للمرحله دى من الإتزان محتاجين نُمر بتجارب كتيره أو على الأقل نكون متفتحين لفكرة المُشاركه ويكون دا إختيارنا ، نتعلم نتحمل مسؤولية قراراتنا من غير تدخل أى طرف ولى أمر عليك أو موصى إنه ينصحك. لكم حياتكم بخراءها ولنا حياتنا سيبونا نعيشها زى ما نشوف ونحب ومالكم علينا سوى النصح بأدب وذوق.
مثلا : http://www.buzzfeed.com/lukebailey/too-legit-to-commit?sub=3417573_3591900
فى بداية المشوار نتكلم بكل بساطه عن العلاقات بين جنس وبعضه من الصغر حتى مرحلة الدفن .
الأولاد : من وهو صغير ونظرية المقارنه ملتصقه به كما البرغوث وكما علاقة سمك القرش بأثر الدم،مفيش تصرف أو رد فعل غير وتُقارن سواء بالخير أو بالشر .ودا بيؤدى إلى ظهور علامات حقد وحسد أو غرور وتكبر . والمدرسه أكبر مرتع لمثل هذه العاده القميئه " ليه تجيب 93/100 فى العربى ؟ حسنين أحسن منك فى إيه ها ؟ دا أنا بعمل كذا وكذا وبذاكرلك وبلا بلا بلا بلا " وهنا المُلام يبدأ يكره حسنين والظروف والجو الفاضى على درجتين فرق ولا حاجه . وندخل على الإعداديه يالا يا حبيبى هات مجموع وإرفع رأسنا وسط عمامك وما تخليش بن خالتك وبن الجيران يجيبوا مجموع أحسن منك . وكل ما سبق ولا حاجه جنب الثانويه العامه وما تمشيش مع دا علشان شكله فاشل وإلزق فى صاحبك دا علشان شكله شاطر إسمع منه وما تديش لحد حاجه وخليك أنصح منهم .
البنات : من شد الشعر وظبط الكسرات فى البلوزه والفستان ، والمُعايره بحلاوة وعفشاة البنات الصغيره. وصولاً لنقط كتيره للنفساويات والسواد اللى موجود داخل كل أنثى وبتقوم بتحفيزه بعض الكلمات والهمسات واللمزات . ( لا داعى للخوض فى شئون حواء وفصيلتها نحن فى غنى عن صداعهم )
لو جينا وخلطنا العلاقات وأخدنا الإنترسيكش وقلنا علاقة الجنسين ببعضهم ، وخلينا محددين أكتر ونتكلم عن النوع من العلاقه المتطور لحبسة بين وربط بخاتم! .. فى الدول الشرقيه وخصوصاً المحروسه مصر .. مفيش أوبشن إنك تدخل فى كذا علاقه وتتعلم من كل واحده فيهم with out hard feelings بالعكس الموضوع بيدخل فى دوامات وصراعات بتؤدى إلى إنك تقفل من الموضوع خالص وتكون واحد من كذا نموذج اولهم المُعقد والزاهد وآخرهم العربيد السنكيح المتلاعب .
مثلاً ليه ما ناخدش الموضوع دا على محمل الجد ونطبقه ، ندخل فى علاقه سوا ونتفق من الأول إننا مع الإختلاف أو معرفة إن العلاقه دى لن تؤدى لراحه نفترق من غير دراما ولا أكشن وعادى نكون زى ما كُنا فى الأول . أو حتى نفترق بشكل شيك ومتحضر. نتعلم من العلاقات ونتكلم عنها فى قعدات مطوله ، مش كل حاجه تحصل بينا نهملها ونعديها ، نتفق إننا لو إتخانقنا الموضوع يتحل بحاجه خارجه عن نطاق الزعيق والشخيط وتشغيل وصلة الردح وكتاب حياتى يا عينى وخلافه من المسرود فى سجلاتنا كعرب ومصريين ، نلعب مصارعه تثبيت ماتش بلاى ستيشن ، ومش لازم كل مره حد معين يكسب نفوت لبعض والخسران يعتذر . أو مجرد حضن يخلص كل اللى حصل دا ، ولو غلطه جسيمه وكبيره الموضوع يناقش كما العاقلين (اللهم لو الولد هو الطرف المُخطئ لازم يستحمل ساعه ونص من الهيجان والجنان والزعيق والعبط وبعدين آسف وهتلاقيها خلصت الحوار بكل سلاسه).
نتعامل مع كل علاقه على أساس إنها تجربه جديده مالهاش علاقه باللى فاتت واللى قبليها من علاقات ، وما نسميهوش إرتباط علشان الإرتباط بيُلزمك بمسؤوليات وإحنا كصنف بنى آدمين بنتهرب من المسؤوليه (وفى الثقافه الشرقيه العربيه الرجال متهربين من المسؤوليات ومتحايلين عليها فى حين إن النسبه تكاد تكون متساويه بين الرجال والنساء فى التهرب لكن الميكروسكوب مُسلط على من أكثر ليس إلا ) ، كل مره نتعامل كإحنا وما نخبيش حاجه ، نقول الصراحه وما نجاملش بعض ، نمشى سوا ننزل نجرى مع بعض ، ونصحى نتريق على منظرنا المنكوش وصوتنا المتشلفط. مش مهم إن الكلام رومانسى وكلام خيالى بس علشان القولبه المحطوطين فيها بتخلينا نقول إن دى حاجات مستحيله فى حين إنها أقل حاجه ممكن تتعمل بين إثنين مفروض هيتقفل عليهم شقه وهيناموا جنب بعض ولا قدر الله ممكن يجيبوا كائنات لهذا الكوكب البائس تحارب بؤسه وتحسنه . نصحى من النوم ونلاقى ورده بتقول " ولما صحيت على حبك .. وشفت الدُنيا من عندك .. أتمنى لو كل العشاق يحبوا زى ما أنا بحبك " .
وبكدا هنوفر فلوس كتيره .. أولها شركات المناديل الورقيه مش هتكسب فى وقت الفلانتين أطنان من الفلوس .. المحلات اللى بتقلب أحمر هتقل (وهفرح فى الدباديب اللى هتترب من الركنه على الرفوف).
فكرة إنى اكتب الكلام دا فى الوقت دا فكره مريبه غير مريحه ليا شخصياً بس لما جيت فكرت فيا ممكن أعمل إيه فى ظروف الحياه القاسيه دى لقيت إنى صعب يحصل معايا الدراما دى تانى! . الواحد مفروض يكون عنده روح رياضيه ويتعلم ويدخل فى تجارب كتيره من غير ما يحصل أى أذى لأى طرف من أطراف المعادله . بس إكتشف إن تحقيق المعادله اللى بيطلبها دى فى مجتمعه دا يمكن العنقاء تكون موجوده قبل ما يقدر هو يحققها..وأكيد المواصفات اللى نفسه فيها. الموضوع ليس بتناكه بس تخيلوا كدا معايا ، واحد بيصحى من النوم مكشر لو قعد فى وش واحده كشريه او تعصبه او ما يحصى ممكن يعمل فيها إيه بعد مرور إسبوع فى خلقته ؟
ونتفق إن الجواز دا ما هو إلا ورقه معفنه مالهاش لازمه زى ما كل الناس مدياها أكبر من حجمها .. المهم الجثتين اللى هيقعدوا فى وش بعض يكونوا متفقين فعلاً إنهم فى السراء والضراء فى الصحه والمرض فى الفرحه والحزن هيتقبلوا بعض وهيكموا المشوار مع بعض والطرفين هيتحموا المسؤوليه مناصفةً ، هيعيشوا حياتهم بكل سلاسه من غير تعقيد ومناقصات ومزايدات ومقارنات ، ماحدش ليه سلطه ولا دخل فى اللى بينا وماحدش هيعرف عننا حاجه و what happens between us stays between us ، هنقدر بعض ونحترم إختلافاتنا بمرور الزمن والسن .
علشان نوصل للمرحله دى من الإتزان محتاجين نُمر بتجارب كتيره أو على الأقل نكون متفتحين لفكرة المُشاركه ويكون دا إختيارنا ، نتعلم نتحمل مسؤولية قراراتنا من غير تدخل أى طرف ولى أمر عليك أو موصى إنه ينصحك. لكم حياتكم بخراءها ولنا حياتنا سيبونا نعيشها زى ما نشوف ونحب ومالكم علينا سوى النصح بأدب وذوق.
مثلا : http://www.buzzfeed.com/lukebailey/too-legit-to-commit?sub=3417573_3591900
تعليقات
إرسال تعليق