فى واقع الأمر جيت على المادة رقم 4 خلاص وما بقاش فيا طاقة أكمل ، بس حابب أقولك لأ إنت فيك حيل تكمل وتقوم وتقدر تعمل حاجات كتيرة ، والدليل على كدا إنك لما جريت ال1600 متر قدرت تفضل تجرى فى البرد دا بنفس السرعه وتزود سرعتك الضعف فى آخر 250 متر ، إنت تقدر تعمل حاجات كتيرة بس إنت ما بقيتش قادر تضحك على نفسك وتقول إنك عايز اللى بتعمله دا ، علشان إنت مُغرى بحاجة تانية أسهل إنت بتحبها وكان نفسك تكمل فيها واللى هى الرياضة والحركة والتنطيط ، بس خلاص إنت بقيت محطوط فى المربع اللى بيكون صعب تخرج منه غير بحرب أهليه (أهلك) وحرب مع المجتمع اللى هيفضل بيحتقر جنانك دا . فيه حرب تانية إنت عارف كويس جداً إنك مش قدها ولا هتقدر تخوضها ، حرب إنك تعتمد على نفسك بالمرة .
خلاص يبقى الموضوع دلوقتى مفيهوش مفر غير إنك تقوم تفتح الإمتحانات وتخلص وتلخص وتجيب من الآخر وتلم الدور وتتهد ، وآه مفيش فيسبوك ولا تويتر لحد ما تخلص الإمتحانات وإحتمال كبير فى الأجازه ما تفتحش ولا واحد فيهم برضك وتسيبهم مقفولين كدا ، علشان الأجازة إسبوعين وإنت محتاج تشد وترجع تانى بعد فترة إنقطاع إمتحانات.
بطل لعب ، بطل تبقى حاسس بإنك جبت آخرك ، حاول تخلى روح الجرية هى روح كل شغلك ، موت بعد ما تعمل الحاجات اللى عليك كلها ، بس إعملها صح وبضمير ، أوصل للخط فى الآخر وإنت عارف إنك طلعت أغلب اللى جواك ، عمرك ما هتجيب آخرك بس إعمل اللى يخليك راضى بنسبه تتخطى ال80% .
يالا أشوفك بكرة بعد الإمتحان وبعد ما تكون لعبت شوية وخرجت . حاول تنبسط وحاول تنجز لسه بدرى الساعه 10 .
خلاص يبقى الموضوع دلوقتى مفيهوش مفر غير إنك تقوم تفتح الإمتحانات وتخلص وتلخص وتجيب من الآخر وتلم الدور وتتهد ، وآه مفيش فيسبوك ولا تويتر لحد ما تخلص الإمتحانات وإحتمال كبير فى الأجازه ما تفتحش ولا واحد فيهم برضك وتسيبهم مقفولين كدا ، علشان الأجازة إسبوعين وإنت محتاج تشد وترجع تانى بعد فترة إنقطاع إمتحانات.
بطل لعب ، بطل تبقى حاسس بإنك جبت آخرك ، حاول تخلى روح الجرية هى روح كل شغلك ، موت بعد ما تعمل الحاجات اللى عليك كلها ، بس إعملها صح وبضمير ، أوصل للخط فى الآخر وإنت عارف إنك طلعت أغلب اللى جواك ، عمرك ما هتجيب آخرك بس إعمل اللى يخليك راضى بنسبه تتخطى ال80% .
يالا أشوفك بكرة بعد الإمتحان وبعد ما تكون لعبت شوية وخرجت . حاول تنبسط وحاول تنجز لسه بدرى الساعه 10 .
تعليقات
إرسال تعليق