كدا كتير!

-
أوكيه إنت لازم تعترف تماماً إنك داخل تشيل المادة أو على أكثر الأحلام تواضعاً هتدخل تجيب نص الورقه بالعافيه وهتخرج متشخرم ، خلينا نتفق إنك أصلاً عيل مالكش نصيب فى أيتها حاجه عدله ، السنه اللى تذاكر فيها الدكاترة كلها تقرر تشخرم الدفعه والتقدير اللى كنت بتسعى ليه هيرسى تخرج التيرم دا بمواد ، عارف يعنى إيه اللى وصلت ليه دا ؟ عارف يعنى إيه كل اللى كنت عايز تعمله فى الدراسة راح ؟ عارف إنك هتفضل قرفان لحد آخر السنه ودا نفس السيستم اللى بنعمله كل سنه جديدة وبنشيلها فى الآخر زى الموكوسين وبنكون فى أزهى حالات الإكتآب وبنخسر زيادة على خسارة العمر فى الكليه خساير كتيرة ؟


هانت هانت هانت



طيب تعالى أقولك إنك بكرة هتدخل تحل حلو بس مش هتجيب تقدير ، هتدخل تعدى فى المادة وهتفتكر كل bridge لعين بيتلخبط فى بالك ، والإمتحان هيكون متوسط وهتطلع تروح الماتش اللى محمد سيد عايزك تروحه ، إنت كويس صدقنى بس حاول تقتنع إنك حظك سئ شوية ومش هتنول اللى إنت عايزة ، إلا فى حالات نادرة ، بس الحالات النادرة دى بتحصل كل 6 شهور على قولتها يعنى .


هانت هانت هانت


الفيسبوك مجرد شئ بيمتصك وبيمتص كل الحاجات اللى بتقول عليها أو نويت تعملها ، حرفياً بيمتصك ، وكذلك تويتر ، تفريغ الشحنة السالبه بالشكل السالب دا مضر أكثر من كتمها . حوالين النقط دى إتحرك وأخرج من الzone اللعينه اللى حابس نفسك فيها لو سمحت يعنى ، قرر تكون شئ موجب وبطل السلبيه دى كلها .



هانت هانت هانت



آخيراً وليس آخراً اللهم تشيز كيك ، وفتاه حسناء ك Hazel و بحة صوتها وقصة شعرها وحضن منها وصوت مزيكا للست وهى بتقول " واحشنى حتى وإنت قصاد عينى " بعد الإمتحان اللعين دا وهون علينا الثلاث مواد اللى باقيين.

تعليقات

إرسال تعليق

المشاركات الشائعة من هذه المدونة

في رثاء عزيزةٍ

-
إليك، بعد الكثير من التفكير والكثير من التردد، سأرثيك، لست أعلم أو أدري لماذا ولكنهم يقولون أن فاقد الشئ هو أفضل شخص يعطيه، ولأنني لم أنلك، سأرثيك. كنت السند والونس الذي لم أعترف بوجوده لأحد، كنت دوماً تنتظرين عودتي، لا تملكين شكلاً أو هيئةً، أنت فقط هناك عندما أعود من مشوارٍ طويلٍ احتاج فيه لمن يحتضن كل الهم والتعب. سافتقد كثيراً الأفكار التي تأتيني حينما أتعثر في زحمةٍ أو عندما يكون الكون كله ضدي وأنت فقط هناك، تجلسين في هدوء وصمت. المخلص دائماً وأبداً، أنا.
قراءة المزيد

Mania -1

-
 للأسف معنديش كلمة عربي توصف اللي بمر به، في نفس الوقت معنديش الطاقة أفكر بالفصحى، بالعكس عندي أفكار وأصوات كثيرة وكلهم بيصرخوا في نفس الوقت وكلهم عايزين يخرجوا. كانت الدكتورة بتتكلم معايا في أني محتاج أكون صداقات نسائية جديدة لأني محتاج رفيقة درب لأن الوحدة دي بتزيد من حالتي سوءً، حالياً عرفت كذا شخص جديد وبقى في أشخاص ثابتة في يومي بشكل صحي، هل ناوي أعترف بكوني محتاج لحاجة زي كدا آه، أنا معترف.
قراءة المزيد

نعكشه

-
 الحقيقة في كل الأمور هي أصعب شئ في المواجهة، بتقدر بكل سهوله تهرب وبتقدر بكل سهوله تعلق المشكلة على شماعة غيرك ولكن في الحقيقة جزء من النضج أنك بتواجه وبتقعد فترة كبيرة بتحاول تتعافى من الفكرة والمواجهة، بيكون شئ مؤلم جداً أنك تكون ضحية نفسك، ضحية اختياراتك وضحية تصرفاتك. هل هنا نقدر نقول أننا ضحية نفسنا؟ أعتقد محتاجين نعمم المصطلح ونعمم فكرة أنك مهما حاولت ها توصل لمرحلة من المراحل حياتك كلها متعلقة على لحظة الإدراك اللي هاتعرف فيها أنك خربت حياتك والخراب اللي أنت في دلوقتي ما هو إلا نتيجة اختياراتك. ـــــــــــــــــــــــــــــ بتعدي الأيام وبتعدي اللحظات المملة السخيفة أبطأ من أي وقت، الملل والزهق حاجة من الحاجات اللي بتخليني مستاء جداً، الخروج من البيت لو مش لحاجة مشجعة بفقد الرغبة في أني أكمل المشوار خصوصاً لو العربية مش معايا، بكون اللي هو ما فاكس كل حاجة وياللا بينا نلف ونرجع. الأغاني بقيت مملة، الشغل ممل وجحيم. بمناسبة الجحيم، أخيراً خدت هدية يوم ميلادي من لُبنى، الكوميديا الإلهية، الأناشيد فشيخة والرحلة اللي بيمر بها لحد ما يوصل للجنة ممتعه، مشكلتي مع الهوامش اللي فيها كثير
قراءة المزيد